Abasezimayini baphonsela inselelo izinkampani ezikulo mkhakha
Ababambe iqhaza embonini yezimayini bathi sekuyisikhathi sokuthi izinkampani zezimayini zitshale izimali emiphakathini ezizozisingatha kanye nokuthi uhulumeni aqinise ukuqapha kwakhe ukuze aqinisekise ukuthi lokhu kuyafezeka.
Lokhu kuvele ngesikhathi kwethulwa iBusiness Forum Platform, lapho i-Impala Platinum kanye namabhizinisi okuthiwa amaSmall, Micro and Medium (SMME) endaweni yaseRustenburg bezibophezele ukusebenzisana.
Izithangami zamabhizinisi ezili-14 eziphuma ezigodini ezingama-29 zakwaBafokeng kanye nemiphakathi eli-17 eyakhelene nayo eRustenburg sezisungule iMine Host Community Business Forum.
Umnikazi weSMME uthe lesi yisinyathelo esibheke endleleni efanele.
“Siyazethemba futhi sisemva kwalolu hlelo njengoba kunjalo namalungu ethu nabavoti,” kusho umnikazi.
“Zonke izinhlelo namathuba esiwafuna emayini sinamandla okulethula. Asifuni ibhizinisi lapho sizokhubaza ukusebenza kwe-Impala,” kuqinisekisa omunye usomabhizinisi wendawo.
Isikhulu esiphezulu semayini i-Impala Platinum uMark Munroe (osesithombeni) uthi nakuba le nkampani inikeze izinkampani zakuleli izinkontileka ezithile, ukholelwa ukuthi le nkampani isengenza okwengeziwe ukuthuthukisa amaSMMEs engeziwe.
“Sinikeze izinkampani zomphakathi zasendaweni izinkontileka ezinkulu. Nokho, ngicabanga ukuthi kunendima enkulu okufanele idlalwe ekuyiqhubeni nasekuyithuthukiseni. Ngakho futhi, le [platform] isenza sikwazi ukuxhumana ukuze sibone ukuthi ziyini izidingo zomphakathi nokuthi singawakhulisa kanjani la mabhizinisi amancane. Khumbula, lokhu kuyisici esisodwa osibonile, kodwa empeleni kuyindlela ehlukene yokuthuthukisa ibhizinisi emphakathini wendawo; futhi sinamanye amaphrojekthi ahlanganisa nalokhu ekuthuthukiseni amaSMME endawo.”
UMunroe uveze ukuthi i-Impala Platinum isize amabhizinisi endawo ngezinhlelo zokuqeqesha kanye nezinsiza zokuthuthukisa amabhizinisi emiphakathini yendawo.