Uyasondela umnqamulajuqu wabokufika
Abaqashi baseNingizimu Afrika abadabuka eZimbabwe abasebenzisa iZimbabwean Exemption Permit (ZEP) bayelulekwa ukuthi baqale ukwenza amalungiselelo ngaphambi kukaZibandlela, 2022.
Isinqumo seKhabhinethi sokuqeda izimvume ezikhethekile ezivumela abantu baseZimbabwe abacela ku-180 000 abahlala futhi basebenze ezweni siphonselwe inselelo izinkantolo.
IZEP inikezwa abadabuka eZimbabwe abafudukela eNingizimu Afrika ngaphambi kowe-2009.Lesi sinyathelo sesikhashana besenzelwa ukuthi kube njalo ukuba khona kwabo ezweni nokuvumela izizalwane zeZimbabwe ukuthi zithole izinsiza ezifana namabhange.
Kodwa manje uhulumeni usenqume ukukhansela lesi sinyathelo ngaphandle kokubeka izinhlelo ezifanele. Isikhathi somusa sonyaka owodwa siphela ekupheleni kuka-2022.
Uhulumeni uthi ngoZibandlela bonke abantu abangaphansi kwemvume kufanele balishiye izwe. Isikhulu esiphezulu seNational Employers’ Association of South Africa, uGerhard Papenfus, uthi kuyadabukisa ukuthi abantu abaningi balahlekelwa yimisebenzi.
UPapenfus uthi, “Kunezinhlobo ezehlukene zezimvume, ama-visa futhi ukuze wenze isiqiniseko sokuthi abasebenzi bakho bangena ngaphansi kwalesi simiso sokuphatha kufanele ulungele ukumisa lezo zinsizakalo zabasebenzi ekupheleni konyaka nokuyinto engalungile kakhulu ngokubona kwethu.
“Kuyadabukisa kakhulu ngoba laba bangabasebenzi ababaluleke kakhulu emkhakheni wesibhedlela ngakho ibhizinisi alineme neze ngaleli lungiselelo. Basebenza kanzima futhi banokwethenjelwa kakhulu. Ngakho-ke lokhu ukulahlekelwa kwezwe, akulungile kakhulu futhi ngicabanga ukuthi kuwukuziphatha okubi. Ngakho-ke ukulahlekelwa abasebenzi abakahle kunzima kakhulu.”