Basale ngaphandle abase-Africa kwelomhlaba
Lishiye imibuzo iqembu labadlali abali-11 elibizwa ngeFIFAPRO Men’s World X1, nelimenyezelwe izolo ngoMsombuluko.
Lapha kumenyezelwa abadlali abali-11 abasuke benze kahle onyakeni, kusukela kunozinti kuze kuye kubagadli.
Kuleli qembu eliqokiwe ezinintini kukhona uGianluigi Donnarumma weParis Saint-Germain (PSG), emumva uDavid Alaba weReal Madrid, uLeonardo Bonucci weJuventus, uRuben Dias weManchester City. Esiswini kukhona uKevin De Bruyne weMachester City, uJorginho noNgolo Kante beChelsea FC, kubagadli kufakwe uRobert Lewandowski weBayern Munich, uLionel Messi wePSG, uCristiano Ronaldo weManchester United no-Erling Haaland odlalela iBorrusia Dortmund.
Okususe umsindo ukungafakwa kukaMohamed Salah weLiverpool FC ekubeni esale kubadlali abathathu kumkomelo weBest FIFA Men’s Player, nogcine unqotshwe uLewandowski nobekungokwesibili kulandelana lo mgadli wasePoland enqoba lomkomelo. Omunye kube u-Edouard Mendy ongunozinti weChelsea FC othole umklomelo weBest FIFA Men’s Goalkeeper kodwa wangafakwa eqanjini lonyaka kunalokho kwafakwa uDonnarumma.
Abaningi bakubone njengokucwasa kwabantu base-Africa, kwazise uSalah owase-Egypt uMendy yena owaseSenegal.
Sebebonke abahambe nemikomelo kubusuku bangoMsombuluko:
Best Men’s Player: Robert lewandowski
Best FIFA Women’s Player: Alexia Putellas
FIFA Men’s Coach: Thomas Tuchel
FIFA Women’s Coach: Emma Hayes
Puskas Awards: Erik Lamela
FIFA Men’s Goalkeeper: Edouard Mendy
FIFA Women’s Goalkeeper: Christiane Endler
FIFA Best Special Award: Christine Sinclair
FIFA Best Special Award: Cristiano Ronaldo