#UMsombulukoWesinqumo: I-PAC ithi ineqhingasu lokutakula omasipala kuleli
Leli ngelinye lamaqembu amadala kulawo ayelwela inkululeko. IPan Africanist Congress of Azania ( PAC) yabunjwa nguSolwazi uMangaliso Sobukwe nabanye ababephume inxiwa besuka ku-African National Congress ( ANC) ababeyisola ngokuphuma kuzimiso zamavuladlela eqembu.
Njenge ANC abe PAC bahlale ekudingisweni , baboshwa abanye bafa nokufa ngenxa yomzabalazo wokukhulula aboHlanga. Ngesikahthi amaqembu evulwa imilomo kuyovotwa okokuqala ngowe-1994 kwabe kunenkoleleo yokuthi leli qembu liyikwenza lukhulu uma sekwakhiwa izwe elisha. Nokho kwaba nokudumala manxa izinkinga zangaphakathi seziphazamisa umyalezo kanjalo nomgqingqo walo nokwenza langenza kahle okhethweni.
Nokho kulokhu lithembisa ukuthi konke lokho sekuyindulo elibi, bathi sebekulungisile ukukhuluma. Ngokhetho lohulumeni bendawo bathi baphethe lokho i-Azania ( iNingizimu Afrika) ekudingayo kakhulukazi komasipala.
Lapha uMtaka ukhuluma noSihlalo we-PAC kuzwelonke, uMnu uSbusiso Xaba nowenaba ngesikhongeli seqembu. LALELA NGEZANSI :