I-MK ichithe ukuzimisela kukaRamaphosa ukulwa nenkohlakalo

UMtaka ungumbhali wezindaba zamazwe neMeneja kwi-Igunundu Agency.

Umkhulumeli weqembu loMkhonto weSizwe (MKP) uNhlamulo Ndhlela ukuchithile ukuqinisekisa kukaMongameli Cyril Ramaphosa kokuthi uhulumeni uzibophezele esizweni esingenayo inkohlakalo.

Ekhuluma ethula inkulumo yesizwe (SONA) eKapa izolo , uRamaphosa ukugcizelele ukulwa nenkohlakalo, kodwa uNdhlela uyakuchitha lokho ethi uhulumeni kumele aqale ngokulungisa udaba lwasepulazini likamengameli iPhala-Phala.

Eqhubeka echaza uNdhlela, uthe inkulumo kaMongameli ibibonisa “isizwe esihlulekile”.

UMntungwa uyanqaphaza ngokuxoshwa kuMkhonto

“Alukho uhlelo, uyabona ukuthi le ndoda [uMengameli Ramaphosa] ayazi lutho. Selokhu aba nguMongameli, Sikhula ngesilinganiso esingu-1.3%, nokho i-GDP yethu ngomuntu ngamunye iku-0.7%. Ngakho-ke lokho nje kukodwa, kukutshela ukuthi abantu baseNingizimu Afrika baya ngokuya behlupheka,” kwengeza uNdhlela.