UVavi ugxeke indlela uhulumeni aphatha ngayo udaba lwabavukuzi abangekho emthethweni eStilfontein
UNobhala-Jikelele we-SAFTU, uZwelinzima Vavi, uchaze ukusingathwa kwezindaba zabavukuzi abangekho emthethweni base-Stilfontein njengenhlekelele enkulu. Kuze kube manje, izidumbu ezingama-87 zabavukuzi abangekho emthethweni sezikhishiwe futhi bangaphezu kwe-1 900 abavukuzi abangekho emthethweni asebekhishiwe emgodini.
UVavi uthi ukube uhulumeni wenza ngokushesha, bebengasindisa izimpilo eziningi. “Saya eStilfontein ngaleso sikhathi iningi labasebenzi basezimayini abangekho emthethweni base bephoqeleka ukuthi bahambe, ngenxa yokuthi babulawa yindlala ngenxa yalo mkhankaso kahulumeni. Bangaphezu kwama-80 abantu asebeshonile. Sicabanga ukuthi ukube uhulumeni usebenze ngesivinini esidingekayo emgodini lapho abantu bengakwazi ukuziphumela khona, ngabe usindise bonke abantu abashonile.”
UVavi usole uhulumeni ngokwanda kwezimayini ezingekho emthethweni kuleli. Uthi ukube uhulumeni unokulawulwa okungcono kwemingcele, ngabe izimo ezinje azikabi zimbi kangako. “Asazi ukuthi kungani uhulumeni evumela isimo lapho engakwazi ukulawula imithetho yakhe yokufuduka. Uma sikhuluma ngokufuduka sikhuluma ngokukhula kwezibalo zabantu baseZimbabwe naseMozambique abangena kuleli ngokungemthetho , kungani kunjalo. Bekungeke kube khona ukumba izimayini ngokungemthetho ukube uhulumeni ubesebenza kanzima ukuze aqinisekise ukuthi akekho ozokwazi ukungena ngokukhululeka ezweni.”
Khonamanjalo, umholi we-ActionSA, uHerman Mashaba, uthe icala ngeke libekwe ngqo kuhulumeni ngoba abantu abaningi bangene ngokuzithandela ezimayini. “Lapho engingaboni ngaso linye naye ukuthi abize lokhu ngokubulala, ngoba laba bantu bangene ngokuzithandela kulezi zimayini, abaphoqwanga muntu ngempela. Ngakho-ke, ngicabanga ukubeka icala ngqo kuhulumeni nakubantu baseNingizimu Afrika, ngoba kusobala ukuthi uma usola uhulumeni, usola thina sonke njengezakhamuzi zaleli zwe.”