UNgqongqoshe wamaPhoyisa noweZimbiwa bavakashela i-Stilfontein namuhla
Abavukuzi abangama-26 abangekho emthethweni balandwe emgodini wemayini ongasasebenzi e-Stilfontein, eNorth West, ngosuku lokuqala lwezinhlelo zokuhlenga ezisemthethweni. Ngokusho kukaMametlwe Sebei omele iLawyers for Human Rights, izidumbu ezimbili nazo zakhushulwa ngaphansi komhlaba.
Khonamanjalo, uNgqongqoshe Wezamaphoyisa kanye nowezimbiwa kanye Nezamandla kulindeleke ukuthi avakashele eStilfontein ngaseKlerksdorp ngoLwesibili.
Lokhu kwenzeka njengoba kulindeleke ukuthi kuqhubeke umkhankaso wokuhlenga oholwa nguhulumeni, oqale ngoMsombuluko. Inhloso yalolu hambo wukuqapha ukuqaliswa kwemisebenzi yokuhlenga okuhloswe ngayo ukuqinisekisa ukuthi bonke abavukuzi abangekho emthethweni bayaphuma bonke emgodini.