Udliwe iChiefs ibhantshi lagcwala umoya
Ukuphikwa imiphumela kukaBrandon Truter kuyimbangela ekuthenini aphume ngesango kwiRichards Bay FC. Lo mqeqeshi uthathe izintambo kuVusimuzi “Kanu” Vilakazi ngasekuqaleni kwesizini.
Kusukela ngoNcwaba uTruter uhlale ebhentshine leNatal Rich Boyz emidlalweni eli-11 kuyona imincintiswano. Kule midlalo ukwaze ukunqoba emithathu, wadlala ngokulingana kwemibili wahlulwa kweyisithupha. Kumanje leli qembu likaSfiso “Jomo” Biyela lihlezi endaweni ye-14 kulogi.
Izintambo kusasa zizobanjwa uRonnie Gabriel noSboniso Gumede, iNatal Rich Boyz izotholana phezulu na-AmaZulu FC koweBetway Premiership. Lo mdlalo uzoqala ngehora lesithathu ntambama eKing Zwelithini Stadium, eMlaza.
