ISANDF ithi ukushona kwesosha eDRC bekungekhona okomsebenzi

UMbutho Wezokuvikela waseNingizimu Afrika (SANDF) uthi ukushona kwesosha ebelisebenza ngaphansi koMbutho Wezizwe Ezihlangene, iMONUSCO, eDRC akuhlangene nokuhlasela kwaphambilini.

Leli sosha libulawe ngesikhathi kuqhuma ibhomu lesandla eduze nendawo elilala kuyo enkanjini yeSANDF eBeni, eNorth Kivu empumalanga yeDRC. Umbutho uveze ukuthi kuzobizwa iBhodi Lawo Lophenyo ngokubambisana ne-UN ukuze kutholakale amaqiniso.

Okhulumela iSANDF, uSiphiwe Dlamini, uthe: “Lesi akusona isigameko somsebenzi, okusho ukuthi akwenzekanga ngenxa yokubhekana namavukelambuso. Kwenzeke kwesinye sezisekelo zethu ngesikhathi leli lungu limatasa izolo etendeni lalo elihlala kulo. Ulwazi olukhona okwamanje nakuba uphenyo lusaqhubeka ngempela ukuthi uvule etendeni lakhe, elinye lamapheshana etende lakhe, kwaqhuma ibhomu lesandla emveni kwalokho. Manje kusaphenywa izimo okwenzeka ngaphansi kwazo.”