ISpain ijoyina iNingizimu Afrika ekubekeni icala u-Israeli

Isithombe: Yves Herman/REUTERS

UMtaka ungumbhali wezindaba zamazwe neMeneja kwi-Igunundu Agency.

ISpain ithe izojoyina icala elibekwe yiNingizimu Afrika lokuqothulwa kohlanga eNkantolo Yamazwe Ngamazwe ephikisana nesenzo sika-Israel eGaza. IPitoli (inhlokodolobha yaseNingizimu Afrika) yenze isicelo esisha phambi kweNkantolo YoMhlaba, iyicela ukuba iyalele amasosha akwa-Israel ukuthi amise ukusebenza eRafah, eningizimu yeGaza.

INkantolo YoMhlaba iphinde yayalela i-Israel ukuthi ivule indawo yokuwela eRafah phakathi kweGibhithe nePalestine ukuze kungene usizo. Iphinde yaphakamisa ukuthi u-Israeli unikeze abaphenyi ithuba lokufinyelela futhi ibike ngenqubekela phambili yayo kungakapheli inyanga.

ISpain isicele ukungena njengomlingani weNingizimu Afrika ngokumelene nesenzo sika-Israel eGaza. IMadrid(inhlokodolobha yaseSpain) ijoyine amazwe amaningana afuna ukungena njengabalingani kuloludaba okuhlanganisa i-Ireland, yona kanye neSpain neNorway yamukele ngokusemthethweni izwe lasePalestine ngesonto eledlule.