Zingaphezulu kuka-215 iziteshi zokuvota KwaZulu-Natal ezibalwa njengezisengozini enkulu
UNqongqoshe wezokuThutha, ukuPhepha nokuXhumana koMphakathi KwaZulu-Natal, uSipho Hlomuka, uthe uphiko lwezobulungiswa nezokuphepha luhlonze izindawo okubhekwe kuzona kulesi sifundazwe ngaphambi kokhetho lwangesonto elizayo.
Izikhungo zokuvota ezingaphezu kuka-215 kwezingu-4,874 zeKhomishini yoKhetho yaseNingizimu Afrika (IEC) KwaZulu-Natal zibalwa njengesizengozini enkulu ngemuva kokuhlolwa kwamaphoyisa.
Lokhu kuvezwe uKhomishana wamaPhoyisa esifundazweni uLt General Nhlanhla Mkhwanazi ngesikhathi ekhuluma nabezindaba ngohlelo olubizwe nguNgqongqoshe wezokuThutha, ukuPhepha nokuXhumanisa uMphakathi uMnuz Sipho Hlomuka kuleliviki.
UHlomuka uthe uphiko lwezobulungiswa nezokuphepha luhlonze nedolobha lasemakhaya KwaNongoma njengezinye zezindawo ezishisa izikhotha, lokhu kubangelwe yizigameko zakamuva zokubulalana kwezepolitiki okudlule nemiphefumulo yamakhansela nabaholi bomdabu endaweni.
“Izindawo ezifana noNongoma zizonakwa kakhulu. KwaNongoma nezinye izingxenye zaseZululand bafuna ukuzihlukanisa njengezindawo okungenwa kuzona kodwa ayikho isifundazwe okumele ingahambi,” kusho uHlomuka.
Njengoba kuzoqala ukuvota okuyisipesheli ngoMeyi 27, uHlomuka uthe bazosebenzisana kakhulu ne-IEC.
“Simi ngomumo. Sizosebenzisana kakhulu ne-IEC nezinye izinhlaka ezibheka ukhetho.”
UHlomuka uthe ingxenye yezinhlelo izoqinisekisa ukuthi iziteshi zokuvota, izingqapheli nabasebenzi bakwa-IEC bayavikelwa.
“Izikhungo zokuvota nezindawo zokugcina izimpahla zokuvota zizovikelwa futhi zivikeleke.” Uphinde wathi usejube zonke izikhulu ukuthi ziqinisekise ukuthi yonke ingqalasizinda yemigwaqo engenela eziteshini zokuvota iyafinyeleleka.
Engxoxweni yomsakazo emsakazweni iRadio 702, uNdunankulu Kwa-Zulu Natal, uNomusa Dube Ncube naye uzwakalise ukukhathazeka kwakhe ngodlame lwepolitiki esifundazweni wathi kuyakhathaza kakhulu njengoba sibheke okhethweni.
Uthi kunekomiti yamaqembu amaningi ehlanganisa wonke amaqembu ezepolitiki eliwakhuthaza ukuthi agqugquzele ukuthula ngaphambi kokhetho ngokukhuluma nabalandeli bawo nabanye.
