I-ACDP

Isikhongeli seqembu eliphikisayo i-African Christian Democratic Party (ACDP) esethulwe mhla zingama-22 kuMbasa wezi-2024.

Ukwakha imisebenzi nokuqeda ububha

Ukwakha isimondawo ngokuthuthukisa ingqalasizinda, izinsizakalo zomphakathi eziphezulu, imfundo yezinga nokuqeqeshelwa amakhono okuhambisana nokwenzeka emhlabeni jikelele kanye nobuchwepheshe;
Ukugxila olwazini lwezwe oluphakeme kubandakanya izimayini neminye imithombo yemvelo ngokuhluza izimbiwa, iminxa yezezimali namabhizinisi, okuhambisana nakho kuya ezimakethe ezithuthuka ngokushesha ze-Afrika, amanyuvesi eqophelo eliphezulu, umunxa okhiqiza okwezolimo, ezokuvakasha ezikhulayo, kanye nezokukhiqiza nezokwakha;
Ukulekela amabhizinisi amancane kuqiniswe isiko lokusungula ngokuthwasisa nangokuxhasa ngezimali zokuqala umsebenzi, ukuthukisa amakhono nokuqeqsha;
Ukuxhumanisa izidingo zebhizinisi nezemfundo, ukuqinisekisa ukuthi intsha inamakhono afanelekile ngokuxhasa imfundo yeziqu neyamadiploma okudingekayo;
Ukwandisa i-Employment Tax Incentive kwabamabhizinisi ukuze baqashe abantu abaningi, ikakhulukazi intsha;
Ukuqinisekisa ukuthi kube lula ukuqala ibhizinisi ngokususa imigoqo enganasidingo; nokuba nezikhungo zokubhalisa amabhizinisi athengisa konke;
Ukususa ukungaqinisekiseki kwemigomo njengalowo ophathelene nomhlaba owenza abatshalizimali bamazwe babe manqikanqika;
Ukuqeda ukuqasha ngokobuqembu nemigomo ehambelana nobuzwe osewenze kwanyuka amanani futhi nosekudale umnotho “wosomathenda”;
Ukuqinisekisa ukuthi kunobulungiswa nokulingana ekufinyeleleni ezimakethe kosomabhizinisi bendawo abancintisana nosomabhizinisi bangaphandle abanda imihla namalanga.

Kuzohlala kukhanya

Akusetshenziswe kakhulu izinto zokusebenza zokuqala ukubhekelela ukusimama kwemisebenzi eziphehlamandleni kagesi;
Akuqashwe abantu abakwaziyo futhi abanolwazi lapho kudingeka khona kubuye kuqashwe onjiniyela nongoti bobuchwepheshe asebethathe umhlaphansi;
Akunga khokhiswa umunxa wezamandla izinhlinzeko zokuthola ezikhethekile nezendawo ukuze kungabibikho ozoba phakathi nendawo okuyikhona osekulethe inkohlakalo nokukhushulwa kwamanani okuxakile;
Ukuqinisekisa ukuthi iziphehlamandla zigcinwa zisesimweni esikahle futhi ngokulindelekile, futhi onke amaphutha emidwebokwakhiwa alungiswe;
Ukubeka eqhulwini ukusetshenziswa kwamalahle ezinga nokusebenzisa ubuchwepheshe obugcina inhlanzeko kuzo zonke iziphehlamandla ezisebenzisa amalahle;
Ukulekelela imithombo yamandla engashi (Amandla omoya nawelanga) enabakhiqizi abazimele ababamba iqhaza elikhulu ekukhiqizeni Amandla okwengeza adingakalayo;
Ukubandakanya umunxa wezimayini zamalahle nabanye ababambiqhaza ekuguqukeleni emithonjeni engashi ukuze kube nokubonelelana ngokulahleka kwemisebenzi namabhizinisi;
Ukuthola okokuhambisa amandla, kusebenze futhi kudluliswe ukuze kuxhumaniseke kakhudlwana nemithombo engashi nezinye iziphehli kugridi;
Ukugquqguzela isiko lokukhokhela ugesi ikakhulukazi omasipala abakweleta u-Eskom izigidigidi zamarandi;
Ukuqinisekisa ukuthi izinhlangano zemigulukudu nezisebenzi ezikhohlakele nalabo abahlinzeka izinsizakalo babhekana nolaka lomthetho ngokugcwele.

Izitimela kuhlala kuhamba

Ukuxazulula udaba lokuthengwa kwezitimela olusamile namanje;
Ukuvuselela imizila yezitimela ezihambisa impahla iyeke ukuhamba ngomgwaqo ihambe ngojantshi;
Kube nezixazululo eziningi zedijithali ukuthuthukisa ngendlela efanelekile nelindelekile;
Ukukhulisa ukuzibandakanya kwezinkampani ezizimele ngokuzibonelela ngokuthi zikwazi ukufinyelela kwabanye beze emizileni yezitimela;
Ukuthuthukisa ukubambisana kukaHulumeni nezinkampani ezizimele emisebenzini ethinta amachweba ka-Transnet ukuqinisekisa ukuthi amachweba asebenza ngokufanelekile;
Ukuphuthumisa ukwakha kabusha iPRASA nohlelo lokubuyisa uhlelo lwesimanje kanye nokuphepha nokuvikeleka ukuze kuqisekiswe ukuthi izitimela ziphephile, ziyakhoneka futhi kungathenjelwa kuzona njezinqola ezithutha abantu;
Ukuqinisa ezokuphepha ukuvimbela ukuntshontsha nokucekela phansi ingqalasizinda kaloliwe.

Ubugebengu nobulungiswa

Ukwakha isakhiwo esikhethekile esilwa nenkohlakalo esinokuphenya okuholwa umshushisi, uma kwenzeka kube khona nesakhiwo esilwa nenkohlakalo ngokweSahluko 9 esinakho konke okudingakalayo kanye nezisebenzi eziqeqeshwe ngokugcwele ezinehhovisi elivikelekile (elifana neleScorpios eseyahlakazwa);
Ukuqinisekisa ukuthi uMcwaningimabhuku Jikelele, uMvikeli Womphakathi, uMbutho Wamaphoyisa, iHawks, iSIU, i-AFU, neNPA kunezisebenzi ezanele futhi zivikelekile ukuthi zingadwengulwa yipolitiki;
Njengoba ukubuyiswa kwemali ebalelwa ezigidigidini zamarandi ezantshontshwa ngokugwamandwa kombuso nangenkohlakalo, ukusebenzisana nezinkantolo zomhlaba ukubuyisa lemali zona ezinezindlela ezisheshayo futhi ezingavamile ukuphikiswa nezinomthelela;
Ukubuyekeza uhlelo lukashwele nokunqabela ibheyili kwamanye amacala ohlobo oluthile njengokubulala, ukudlwengula, ukuphanga kuhlonyiwe kanye nokuduna izimoto;
Ukwandisa izinhlelo zokusebenza uboshiwe lapho iziboshwa zingakwazi ukufunda amakhono amaningi zikwazi ukunikela ezindlekweni zokuhlala ngaphakathi ejele;
Ukuqinisekisa ukuthi izikhulu zikaHulumeni ezilahlwe ngamacala enkohlakalo zisheshe zishushiswe, hhayi indaba yokuthi zimiswe undendende zibe zihola ngokugcwele futhi kubekwe emahlombe azo ukuba zikhokhe imaliyombuso;
Ukugqugquzela ukuziphatha ngendlela efanele ngokuqinisa ukuvikelela kwezingede;
Ukuba namapholisteshi amaningi, amalebhu okucwaningakuphenya, izinkantolo (ikakhulukazi zokubhekana namacala ezocansi anakho konke okudingeka uma kubenecala lohlukumeza ngokobulili) kanye nezisebenzi eziqeqeshwe zahloma ukuze zithuthukise ukuphenya nokushushisa;
Ukuvikela imiphakathi yethu nemingcele ngokwandisa ukubonakala kwamaphoyisa nokuba nezivimbangwaqo eziningi;
Ukulekelela abaqaphi bendawo, izinsizakalo zokwelashwa okuphuthumayo nezindawo eziphaphile zezisulu zodlame lobulili;
Ukusiza okubonakalayo imiphakathi ekuzabalazeni, ilwa nemigulukudu kanye nezidakamizwa notshwala ngokuthi kuboshwe ngempumelelo futhi kushushiswe abadayisi bezidakamizwa. Ukwandisa isibalo sabezinja zemikhondo futhi kuvalwe imihhume yabezidakamizwa namashibhi;
Ukuqinisa uMbutho Wamasosha ukuba uvikele imingcele yethu, wenze izinhloso zobuntu nezokuthula lapho bedingeka, basize amaphoyisa ekugcineni umthetho nokuthula.

Amalungelo obunikazi, intuthuko yasemakhaya nesiqiniseko sokuba nokudla

Ukuvikela amalungelo obunikazi nokuqinisekisa ukuthi ubulungiswa nokulinganiseka kwesinxephezelo kuyakhokhwa lapho kuthathwe khona umhlaba;
Ukuqinisekisa ukutholakala kokuvikeleka kwendawo kanye nenkululeko yokuthola, usebenzise, uqashe uthengise impahla kubandakanya ngisho umhlaba;
Ukuqinisekisa ukuthi umhlaba wombuso ongasebenzi ngokuphelele wabelwe izidindo zemiphakathi zokuhlala nokulima;
Ukuqinisekisa ukuthi ubunini bendawo naMakhosi kuvunyelwana ngayo phakathi koMkhandlu WaMakhosi nomphakathi ukuze kudluliselwe ubunini ukuze kuhlomule wonke umuntu othintekayo ngomhlaba;
Ukuqedela izicelo zokubuyiselwa umhlaba zalabo abanikazi ababephucwe ngokungemthetho, banxeshezelwe futhi babuyiselwe umhlaba wabo;
Ukuhlinzeka abasemakhaya abahlwempu, abasebenzela ukufihla ikhanda nabasebenza emapulazini ngethuba lokuthola umhlaba ngohlelo oluzoqhutshwa umhlaba kaHulumeni nabanye abanikazi bomhlaba abavumayo;
Ukubeka eqhulwini intuthuko nesiqiniseko sokudla ngokuvikela abalimi abahwebayo abakhona ngokuthi bahwebe kangcono ngokuthola uxhaso lwezimali nezimakethe.

Ukuthola amanzi ahlanzekile nenhlanzeko

Ukuqeda imijondolo ngokubeka eqhulwini isixazululo saphakade kunesesikhashana, ukuqeda amathoyilethi omphakathi ngengqalisizinda yamanzi amaninigi nenhlanzeko;
Ukuqinisekisa ukuthi zonke izikole zinamthoyilethi ashaywayo esikhundleni samathoyilethi emigodi;
Ukubhekana nabangasebenzi kahle ekuhlinzekeni amanzi yizikhulu zikazwelonke, zesifundazwe, ezendawo namabhodi amanzi;
Ukusebenzisa onjiniyela abazimele nabanamakhono ukubhekana nenhlekele.

Imfundo nokucija amakhono

Ukubukela ohlelweni lwemfundo yezinga lomhlaba njengolwaseCambridge;
Ukubuka kabusha izihlinzeko zoMthethosivivinywa Wemithetho Yezemfundo Eyisisekelo (BELA) ezihambisana nokufunda kwasemakhaya, ukuvalwa kwezikole zasemakhaya, ukwenziwa izigungu kwabazali, ukunqindwa kwamandla kwemikhandlu yezikole amaSGB, nokugxambukela komnyango emalungelweni abazali;
Ukubheka ukuthi ungechitshiyelwe yini uMthethosisekelo ukuvikela amalungelo abazali nokuvimbela umnyango ekugxambukeleni kulawo malungelo;
Ukuvula kabusha nokuhlomisa amakholiji okuqeqesha, ukuthuthukisa amazinga emfundo nemiholo yothisha, nokuqalisa kabusha abahloli bezikole;
Ukunqinda okwenziwa yizinyunyana ezikoleni okuthintibeza ukufunda kwezingane zethu, futhi kwezinye izikhathi zibuye zingenelele ngokungenabulungiswa ekuqashweni nasekukhushulweni kothisha nothishanhloko.

Impilo nokuphila

Ukhipha ngokusemthethweni isiphakamiso sikaHulumeni sokuchitha unakekelo lwezinkamapani ezizimele ngoku faka umthetho woMshwalense Wempilo Kuzwelonke (NHI) bese kuba nezingxoxo zokutholakala konakakelo olungujikelele;
Ukuthuthukisa izinto zokwelapha nezinsizakalo, futhi isikhathi sokulinda imiphumela, esokuhlinzwa nesokwelashwa ngokunyusa isibalo sodokotela, esonesi nesababhalisayo kanye nokuqinisekisa isitokwe esanele semithi nokunye kokwelapha;
Ukwandisa isibalo sokunakekela noma ngasikhathi sini sosuku kube seduze nemiphakathi esengcupheni.