Kutuswe iqembu lesizwe emklomelweni yeSA Rugby

Kubatshazwe izimanga zamaBhokobhoko ngesikhathi iSouth African Rugby Union (SARU) iklomelisa abadlali abagqamile ngesizini edlule.

NgoLwesine ebusuku, iSA Rugby ichome uphaphe legwalagwala bonke abashaye into ecokeme ezindlini zokusakaza zakwaMultichoice, eRandburg, eGoli.

AmaBhokobhoko aqokwe njengeqembu elivelele, uJacques Nianeber wakhala wemuka nomklomelo womqeqeshi ovelele njengoba u-Eben Etzebeth egoduke nowomdlali ovelele.

Ngakolunye uhlangothi uCheslin Kolbe uwole oweSuperSportFan’s Moment of the Year ngengcwenga yeTry ayishaya kumaQuarter Final ngesikhathi amaBhokobhoko ebhekene neFrance.

UMengameli weSA Rugby uMark Alexander utuse amaBhokobhoko ngokubeka izwe ebalazweni.

“Isizini yangowezi-2023 iyohlale isezingqondweni zethu iminyaka neminyaka ezayo. AmaBhokobhoko yiwona aqale impumelelo yethu aphinde ahlanganisa isizwe. Sibone izwe lihlangana liba yombumba. Ngaphandle kwamaBhokobhoko ngifuna ukwethulela namanye amaqembu esizwe isigqoko,” kubeka u-Alexander.

Kuphinde kwanconywa nokuthuthuka kweqembu lesizwe labesifazane.

“Kujabulisile nokubona iqembu lesizwe kwabesimame lithuthuka. Lokhu kufakazelwe ukuthi iqembu ligcine lingompetha base-Afrika,” kuqhuba u-Alexander.

U-Eben Etzebeth ugcine eqokwe njengomdlali ovelele obese kuyihlandla lesibili kulandelana.

“U-Eben ubephambili empumelelweni yaMabhokobhoko enqoba iNdebe yoMhlaba okwesibili imiqhudelwano ilandelana. Wesekwe ngozakwabo, ithimba labaqeqeshi nabaphathi nabo abakufanele ukutuswa ngegalelo labo kule sizini ebe yimpumelelo eqenjini,” kuphetha u-Alexander.

Imiklomelo yeSA Rugby Awards yangowezi-2023 (Abanqobile babebeqokiwe):

SA Rugby Men’s Player of the Year:

u-Eben Etzebeth

Abeqokwe nabo:

uPieter-Steph du Toit, uSiya Kolisi, uFrans Malherbe, noDamian Willemse.

Springbok Women’s Player of the Year:

uLibbie Janse van Rensburg

Abeqokwe nabo:

u-Aseza Hele, uBabalwa Latsha,u Rights Mkhari, noNadine Roos.

SA Rugby Young Player of the Year:

uCanan Moodie (Springboks / Vodacom Bulls)

Abeqokwe nabo:

uSacha Feinberg-Mngomezulu (DHL Stormers), uJaden Hendrikse (Springboks / Cell C Sharks), u-Evan Roos (Springboks / DHL Stormers), noRuan Venter (Emirates Lions).

Springbok Sevens Men’s Player of the Year: uRicardo Duarttee.

Abeqokwe nabo:

uChristie Grobbelaar, noShilton van Wyk.

Ukunqoba kwenze isizwe sahambela phezulu emhlabeni

Junior Springbok Player of the Year:

uCorne Beets.

Abeqokwe nabo:

uPaul de Villiers, noDamian Markus.

Team of the Year:

iSpringboks.

Amanye abeqokiwe:

iToyota Cheetahs, neDHL Stormers.

Coach of the Year:

uJacques Nienaber (Springboks).

Abeqokwe nabo:

uHawies Fourie (Toyota Cheetahs), noJohn Dobson (DHL Stormers)