I-Ukraine ingase imeme iRussia kweyokuthula

I-Ukraine kanye nabalingani bayo bakwamanye amazwe bangamema iRussia engqungqutheleni yesikhathi esizayo yokuthula ukuze kuxoxwe ngokuphela kokuhlasela kweMoscow okuneminyaka emibili ubudala ngokwemibandela yeKyiv, kusho isikhulu esiphezulu sase-Ukraine ngeSonto.

ISwitzerland izobamba ingqungquthela yokudingida ngombono wokuthula kaMongameli wase-Ukraine uVolodymyr Zelenskiy, ongadluliselwa eRussia ngesikhathi somhlangano wesibili ngokuhamba kwesikhathi, kusho u-Andriy Yermak, isikhulu sabasebenzi baZelenskiy.

 “Kungaba nesimo lapho sihlangene simema abamele iRussian Federation, lapho bezokwethulelwa khona uhlelo uma kwenzeka noma ngubani omele leliya lizwe ngaleso sikhathi ezofuna ukuyiqeda ngempela le mpi futhi abuyele ekuthuleni okunobulungiswa, ” esho ngesikhathi kunengqungquthela yethelevishini eKyiv.

UZelenskiy uqale wamemezela indlela yakhe yokuthola ukuthula engqungqutheleni yangoLwezi kowezi-2022 yeQembu leminotho emikhulu engama-20. Kudingeka ukuthi kubuyiswe ukuzimela kwezindawo zase-Ukraine kanye nokuhoxa ngokuphelele kwamasosha aseRussia.

See Also

Isithole uNdunankulu omusha iLebanon

IKyiv imile kwelokuthi ngeke ikhulume neMoscow kuze kube yilapho wonke amasosha aseRussia eseyishiyile indawo yase-Ukraine. I-Kremlin ithe asikho isisekelo samanje sezingxoxo zokuthula phakathi kweRussia ne-Ukraine nokuthi uhlelo lweKyiv lokuthula lwalungenangqondo ngoba aluyifaki iRussia.