UZelenskyy uthi akubuthwe elizobhekana namadroni
UMengameli uVolodymyr Zelenskyy ngoLwesibili uyalele ukuthi kudalwe igatsha elihlukile lamasosha ase-Ukraine azobhekana namadroni, izikhali yena nezikhulu zezempi abathi zibalulekile ekulweni neRussia.
UZelenskyy usayine i-decree yokuthi uhulumeni kanye nabasebenzi jikelele bamasosha “baxazulule izinkinga ekwakhiweni kwebutho lase-Ukraine lebutho elihlukile lezinhlelo ze-drone”.
“Ngisanda kusayina i-decree esizokwethula ukwakhiwa kwegatsha elihlukile ngaphakathi kwamasosha ethu – ibutho lezinhlelo zamadroni,” kusho uZelenskyy ekhelini lakhe levidiyo lasebusuku.
“Lona akuwona umbuzo wekusasa. Kunalokho, kufanele inikeze imiphumela ebambekayo esikhathini esizayo esiseduze kakhulu. Lo nyaka kumele ube nesinqumo ngezici eziningi. Futhi ngokucacile enkundleni yempi. Izinhlelo zedroni zibonise ukusebenza kwazo emhlabeni, esibhakabhakeni nasolwandle.” UMykhailo Fedorov, uNgqongqoshe Wezoguquko Lwedijithali e-Ukraine, uthe igatsha elihlukile lizonikeza “umfutho onamandla” ekuthuthukisweni kwezobuchwepheshe bezempi.
Ngonyaka odlule, uthe, amadroni “ashintshe ngokuyisisekelo isimo enkundleni yempi. Asebenza(amadroni) kahle ekumiseni ukuhlasela kweRussia futhi asekele ukuhlasela kwamasosha ase-Ukraine.”
Ngokwesibophezelo esisayindwe uZelenskyy, imiphumela yocwaningo izothunyelwa kuwo uMkhandlu Kazwelonke Wezokuphepha Nezokuvikela owenza inqubomgomo.
NgoZibandlela, uZelenskyy wathembisa ukuthi i-Ukraine izokhiqiza amadroni ayisigidi ngowezi-2024. Izikhulu zikaHulumeni zithi i-Ukraine ihlose ukukhiqiza amashumi ezinkulungwane zamadroni njalo ngenyanga.
Okwamanje kazikho izibalo ezitholakalayo ekukhiqizweni kwamanje, kodwa selokhu kuqale impi, ukukhiqizwa kwama-drone kuye kwakhuphuka, nenqwaba yezinkampani zaqala ukuwakhiqiza amamodeli ahlukene.
Umkhuzi omkhulu wamasosha ase-Ukraine, uValeriy Zaluzhnyi, okunokukhuluma ukuthi isikhundla sakhe sisengcupheni ngenxa yokungaboni ngaso linye noMengameli, ephawula kuCNN ngeledlule wathi amadroni abebalulekile ekuqhubeni impi.