Kuyophela isonto ithimba eligcina ukuthula eMali lingasabonwa nangokhalo
Ithimba le-UN eligcina ukuthula eMali, iMINUSMA, selikulungele ukuphothula ukuhoxa kwalo kuleliya lizwe ngeSonto, kusho i-United Nations esitatimendeni.
Ongoti bezokuphepha baxwayisa ukuthi le ndawo manje isingase ibe yisizinda sezempi enyakatho njengoba amaqembu amavukelambuso kanye namasosha efuna ukuthatha izindawo i-UN ezishiyile, okuqhubekisela phambili ukucekela phansi kweMali, lapho izidlamlilo ezixhumene ne-al Qaeda kanye ne-Islamic State nazo zizulazula.
Udlame eMali ludlondlobala kusukela ngoNhlangulana lapho ibutho lezempi elathatha izintambo ngowezi-2021 liyala umkhankaso we-UN wokugcina ukuthula weminyaka eyishumi ubudala ukuthi uphume uphele kuleliyalizwe. I-UN ithe yiqembu elincane kuphela elizosala ukuze liqondise ukuthuthwa kwempahla kanye nokulahlwa kwemishini ephethwe yi-UN.
“Izimali ze-UN, ama-ejensi kanye nezinhlelo zayo beziseMali ngaphambi kokuthunyelwa kwe-MINUSMA futhi zizohlala eMali kahle ngemuva kokuhoxa, kweMINUSMA” kusho isikhulu se-MINUSMA u-El-Ghassum Wane.
Umbutho wokugcina ukuthula eMali wethulwa ngowezi-2013 kulandela ukuvukela umbuso okunodlame kwamavukelambuso ayezama ukulawula inyakatho yezwe kanye nokuketulwa umbuso okuholwa ngamasosha okwalandela. IMali selokhu yaba yisizinda sodlame esisabalele eNtshonalanga Afrika futhi yaphoqa izigidi ukuba zibaleke.
