Now Reading
UBroos umemezele isikwati azokhetha kusona azogadla ngaso kowe-Afcon
Dark Light

UBroos umemezele isikwati azokhetha kusona azogadla ngaso kowe-Afcon

Umqeqeshi weBafana Bafana uHugo Broos usememezele uhla lwabadlali azoqoka kubona azogadla ngabo ku-Africa Cup of Nations (Afcon) ngonyaka ozayo.

IBafana izibekisele indawo ku-Afcon ezobanjelwa kwelase-Ivory Coast ekuqaleni konyaka ozayo kulandela ukuqeda esicongweni eqoqweni layo ebelibophele iLiberia neMorocco.

Elakuleli liqhathwe neMali, Tunisia neNambia. Amaqembu amabili azoqeda esicongweni azodlulela esigabeni somkhumulajezi.

Ngowezi-2022, iBafana ihlulekile wukuzibekisela indawo ku-Afcon. Igcine iyibuka uthelevishini. 

Igcine ukudlala kulo mqhudelwano ngowezi-2019 ngaphansi kobuholi bukaStuart Baxter. Yafinyelela kuma-quarterfinal kodwa yakhishwa yiNigeria.

Namuhla ekuseni uBroos umemezele iqembu labadlali abangama-50 azokhetha kubona iqembu ozohamba nalo.

Isikwati simi kanje:

Onozonti:

Ronwen Williams, Veli Mothwa, Melusi Buthelezi, Bruce Bvuma noRicardo Goss.

Izitobha:

See Also

Nyiko Mobbie, Given Msimango, Siyanda Xulu, Mothobi Mvala, Aubrey Modiba, Grant Kekana, Thapelo Morena, Thapelo Xoki, Bradley Cross, Siyabonga Ngezana, Nkosinathi Sibisi, Thabiso Monyane, Khuliso Mudau, Terrence Mashego, Themba Mantshiyane, Ime Okom, noFaawaz Basadein.

Esiswini:

Tebogo Mokoena, Grant Margaman, Jayden Adams, Njabulo Blom, Bathusi Aubaas, Tebogo Monare, Sibongiseni Mthethwa, Miguel Timm, Goodman Mosele, Siphelelo Sithole, Ethan Brooks, Thapelo Maseko, Patrick Maswanganyi noMlungisi Mbunjana.

Abagadli:

Mihlali Mayambela, Themba Zwane, Evidence Makgopa, Khanyisa Mayo, Percy Tau, Zakhele Lepasa, Lebo Mothiba, Lyle Foster, Monnampule Saleng, Tshepang Moremi, Ellias Monkwana, Iqraam Ryaniers, no-Oswin Appollis.

Scroll To Top