Akakhathazekile ngesibhaxu umqeqeshi weqembu leziwe laseMzansi elidliwe eMorocco
Akakhali umqeqeshi weqembu lesizwe laseNingizimu Afrika lika-Under-15, uVela Khumalo ezakhe ezititinywe yi-Ivory Coast ngo 4-2 emdlalweni wesihle obudlalelwa eRabat, eMorocco.
ISouth African Football Association (Safa) isanda kubumba iqembu lika-Under-15 ngenhloso yokuthuthukisa izinga lebhola kuleli.
UKhumalo ulekelwa nguThabo Mngomeni noShuaibi Walters kuleli qembu elisekhempini eMorocco.
“Kube ngumdlalo omuhle kubafana bethu. Bathe ukuvivinyela ukuthi ukhakhayi seluqine kangakanani. Kwenzeke izinto eziningi ebesizilindele. Ngeke ngibagxeke abafana bami. Lolu wuhlelo wokubumba nokuthuthukisa amakhono emazingeni aphansi,” kubeka uKhumalo ngemuva kokukhala ngaphansi emdlalweni wokuqala.
NgeSonto, leli qembu lizogadulisana neMorocco komunye umdlalo wesihle. Iqembu lizobe selibuyela ekhaya ngemuva kwale midlalo emibili.
“Siyafunda kakhulu ngokuba yingxenye yalolu hlelo. Okungijabulisayo wukuthi luzophela sesingcono kakhulu,” kuqhuba uKhumalo.
Isikwati sakhiwe ngabadlali abaqhamuka emaqenjini ezinkulisa ezifundazweni ezahlukene.
“Lolu hlelo luzobamba elikhulu iqhaza ekuthuthukisweni kwebhola e-Afrika. Abadlali bethu bazofika ezingeni lika-Under-17 sebekukungele ukudlala ezingeni lomhlaba nelamazwe. Uhlelo oluhle kakhulu. Ngiyalithanda. Kukhona oluhle uhlelo oluzolandela leli. Lizonika abadlali ithuba lokuzibonakalisa ezingeni lomhlaba.” kuphetha uKhumalo.
