Now Reading
Abadlali abasha bazobhekana nengcindezi kowamaProteas nelaseNdiya
Dark Light

Abadlali abasha bazobhekana nengcindezi kowamaProteas nelaseNdiya

Azodlala ngaphansi kwenkulu ingcindezi amaProteas emdlalweni wakusasa weT20 ozoba seSt George’s Park kwelaseGqeberha.

Umdlalo wokuqala awuzange ungene enkundleni ngenxa yemvula ebiyidliva ngendlela eyisimanga eHollywoodbets Kingsmead Stadium, eThekwini.

AmaProteas abhekene nelaseNdiya kuchungechunge lwemidlalo emithathu yosuku olulodwa.

Izithenjwa zabadlali abafana noQuinton De Kock, Kagiso Rabada, Rile Rossouw noLungi Ngidi abekho esikimini esizodlala eyeT20.

Izolo, amaProteas bekubhekwe ukuthi anike abafana abancane amathuba okuzibonakalisa.

Osukwini lwakusasa bazongena enkundleni sebengaphansi kwengcindezi. Badinga ukunqoba ukuze benze isiqiniseko sokuthi abayitholi induku kulolu chungechunge lwemidlalo yeT20.

Azonqoba kusasa usethubeni lokuthatha uchungechunge. Ngisho esengadliwa kowokugcina, uchungechunge luzophela zibambene.

Ukaputeni wamaProteas, u-Aiden Markram ukubeke kwacaca ukuthi iqembu lakhe uyalethemba.

“Ngiyacabanga ukuthi uma uneqembu elakhiwe ngabadlali abasha liyadinga izinsuku ukwazana. Sesihlale ndawonye isikhathi eside ekhempini. Nami sengazi kangcono ngeqembu lami,” kuchaza uMarkram ongukaputeni weqembu lesizwe kuT20.

See Also

AmaProteas kubhekwe ukuthi anikeze abadlali abafana no-Ottniel Baartman, Nandre Burger, noDonovan Ferreira amathuba okuziveza.

“Imidlalo yochungechunge isiyashesha manje. Akusafani nakudala. Isiphoqa ukuthi usheshe ujwayele ngokuphazima kweso. Ihamba kanjalo-nje.” kubeka uMarkram.

Isikwati seT20: 

Aiden Markram (captain, Titans), Ottniel Baartman (Dolphins), Matthew Breetzke (Warriors), Nandre Burger (Western Province), Gerald Coetzee (Titans, 1st and 2nd T20Is), Donovan Ferreira (Titans), Reeza Hendricks (Lions), Marco Jansen (Warriors, 1st and 2nd T20Is), Heinrich Klaasen (Titans), Keshav Maharaj (Dolphins), David Miller (Dolphins), Andile Phehlukwayo (Dolphins), Tabraiz Shamsi (Titans), Tristan Stubbs (Warriors) noLizaad Williams (Titans).

Scroll To Top