Elekhilikithi namathuba amaningi okuvula ikhasi elisha

AmaProteas asethubeni elingcono lokuqeda isinyama sokubhacaza ngezikhathi ezimqoka eNdebeni yoMhlaba yekhilikithi.INingizimu Afrika sekuphele iminyaka engama-31 izabalazela ukuphakamisa iNdebe yoMhlaba ngaphandle kwempumelelo. Isikhathi esiningi amaProteas ahlale ethwelwe ngeqoma kodwa aphoxe sezibheke kuMaliyethe. Ngeledlule ake ashiya abalandeli bekhilikithi nemibuzo ethelwa othulini iNetherlands kodwa avuka azithatha.

Intatheli yelaboHlanga uZipho Singela isibhekela izizathu ezenza amaProteas abesethubeni elingcono lokubuya neNdebe yoMhlaba kwelaseNdiya.

AmaProteas ayingozi uma ebhethe kuqala:

412 v Sri Lanka:

– AmaProteas abukise ngabashwibi beSri Lanka emdlalweni wokuqala ehlanganisa ama-run aama-412. UQuinton De Kock, Rassie Van Der Dussen, Adien Markram,

noHeinrich Klaasen bonke bathole amakhulu kulo mdlalo. Elakuleli ligcine linqoba ngama-run ali-102.

311 v Australia:

– Nakulo mdlalo abhethe kuqala. Aqoqe ama-run ama-311 kuma-over angama-50. EzikaTemba Bavuma zigcine zinqobe ngama-run ali-134.

399 v England:

– AmaProteas aphinde abhetha kuqala. Akalenzanga iphutha abhalisa ama-run ama-399. Anqobe ngama-run ama-229.

382 v Bangladesh:

– Ifomu enhle yamaProteas iqhubekile ebhekene neBangladesh ngoLwesithathu. Awine ithosi abhetha kuqala. Kuma-overs angama-50 azitholele ama-runs ama-382.

Isisekelo esiqinile kwababhetha ezindaweni zokuqala:

– Ohlwini lwabadlali ayashumi abahamba phambili ngokushaya ama-run amaningi kulo mqhudelwano, amaProteas amelwe ngabadlali abathathu. Kukhona uDe Kock ozihola phambili ngama-runs ama-407 emdlalweni emihlanu bese kuthi uKlaasen ayibambe endaweni yesikhombisa ngama-run ama-288. Ulandelwa nguMarkram endaweni yesishiyagalolunye. Bothathu la badlali bayingxenye yabadlali abahlanu ababhetha kuqala kumaProteas.

Akabambeki kuma-over ali-10 okugcina:

139 v Sri Lanka:

Ngenxa yokuthi abavula umdlalo benza umsebenzi omuhle lokhu kunika abadlali abafana noKlaasen, David Miller no-Marco Jansen ithuba lokusiza amaProteas ekutheni athole izibalo ezinkulu zama-run.

143 v England:

Nasemdlalweni wamaNgisi kubeyiso leso uKlaasen noJansen bevala i-Innings yamaProteas ngenothi eliphezulu.

144 v Bangladesh:

UKlaasen, De Kock noMiller yibona abavale umdlalo ngesivinini sika-Usan Bolt owayengumsubathi wabanga aphansi eJamacia.

Akaziniki izitha ithuba lokuphefumula ekuqaleni komdlalo:

– Indlela uLungi Ngidi, Marco Jansen, Kagiso Rabada noGerald Coetzee abashwiba ngayo benza izitha zingakutholi ukuphefumula ekuqaleni komdlalo. Akagcini ngokuzincisha ama-run kodwa bathatha namawikhethi. UJansen, Coetzee noRabada sebehlomule ngamawikhethi ayishumi umdlali ngamunye. Emidlalweni emihlanu amaProteas asethathe amawikhethi angu-48.

Akawabheki amazwe amakhulu:

Kulo mqhudelwano, amaProteas aseshaye iSri Lanka, Australia ne-England okungamazwe amathathu aseke ayinqoba iNdebe yoMhlaba. AmaNgisi yiwona avikela isicoco. Ngakolunye uhlangothi i-Australia isinqobe lo mqhudelwano amahlandla amahlanu.

Imiphumela yamaProteas kule Ndebe yoMhlaba:

1. SA v Sri Lanka:

AmaProteas anqobe ngama-run ali-109.

2. SA v Australia:

UMzansi uphumelele ngama-run ali-134.

3. SA v Holland:

Elakulelu lihlulwe ngama-run angama-38.

4. SA v England:

Anenebule amaNgisi ngama-run ama-229.

5. SA v Bangladesh:

Abhaxabule iBangladesh ngama-run ali-149.

Imidlalo esele:

Namuhla ngo-10.30 ekuseni eMA Chindambaram Stadium:

Kuminyene utshumo kwesomqondisi wekhilikithi

SA v Pakistan

Mhla lolunye kuLwezi eMaharashtra Cricket Association Stadium ngo-10.30 ekuseni:

SA v New Zealand

Mhla zinhlanu kuLwezi, e-Eden Gardens ngo-10.30 ekuseni:

SA v India

Mhla ziyishumi kuLwezi eNarendra Modi Stadium ngo-10.30 ekuseni:

SA v Afghanistan

I-logi imi kanje:

Amazwe. G. Pts

1. India 5 10

2. SA 5 8

3. NZ 5 8

4. AUS 6 6

5. PAK 5 4

6. AFG 5 4

7. NED 6 2

8. SL 4 2

9. ENG 4 2

10. BANG 5 2