IZimpofana zibeke amathemba kuNtseki ngokubuyisa idumela

UMaphumulo uyintatheli yezemidlalo.

Umqeqeshi weKaizer Chiefs uMolefi Ntseki ubhekene nenkulu ingcindezi yokuthi abuyise izinsuku zenjabulo kubalandeli baleli qembu.

IChiefs ingene kwezwakala emakethe yokudayiselana ngabadlali, ezovalwa namuhla ngoLwesihlanu. Iwindi lesibili lesizini lizophinde livulwe ngoMasingana.

Lezi zinkunzi zaseSoweto ekuqaleni kwesizini zisayinise uPule Mmodi obekwiLamontville Golden Arrows ophinde agijime eqenjini lesizwe iBafana Bafana.

Abanye abadlali u-Edson Castillo ofike waziwinela izinhliziyo zabalandeli ngokudlala ibhola elinenkosi phakathi

enkabeni yesisu, uTebogo Potsane obekwi-Royal AM, uMduduzi Mdatsane osuka kwi-Cape Town City, uRanga Chivaviro obekwiMarumo Gallants, uThatayaone Ditlhokwe osuka kwiSupersport United, nomgadli waseColombia u-Efmamjjasond Gonzalez.

Muva nje Amakhosi aphinde engeza ngabadlali ababili okunguSibongiseni “OX” Mthethwa osuka kwiStellenbosch. UMthethwa usayina kuleli qembu nje ubefunwa uthuli izimbangi zalo i-Orlando Pirates. Ngokuthola kwelaboHlanga kuthiwa yize iPirates ibimufuna kodwa kubujeka ebemancane amathuba okuthi ingamthola, njengoba lowo ophethe izindaba zakhe umluleke ukuthi ajoyine Amakhosi ngoba uzofike alithole ijezi.

Ijezi kwiChiefs uMthethwa uzolibanga noCastillo, uSiyethemba Sithebe, uYusuf Maart noSamkelo Zwane. Omunye umdlali uLuke Fleurs obengumdlali weSupersport United, oqale ukuziqeqesha naleli qembu ekuqaleni kwesonto. Ukungena kweChiefs emakethe ngalendlela kushiye abalandeli nethemba, kwazise ayijwayele ukungena ithenge okhilimu babadlali ngalendlela.

IChiefs kule mpelasonto izolibhekisa ePitoli lapho izotholana phezulu khona neMamelodi Sundowns kumlenze wesibili kowandulela owamanqamu eMTN8. Kumlenze wokuqala lamaqembu adlala ngokulingana ngegoli elilodwa nhlangothi zombili.

UNtseki kuzodingeka abophele inqanawe ezovimba iSundowns okuze kube manje induku ayiyazi. IChiefs yagcina ukufaka izinkomishi ekhabetheni, ngonyaka wezi-2014 inqoba yona iMTN 8 yaphinde yanqoba iDStv Premiership ngesizini ka-2014/15. UNtseki othathe izontambo ku-Arthur Zwane ekuqaleni kwesizini usebe sebhentshini emdlalweni yeligi eyisikhombisa.

Kule midlalo ukwaze ukunqoba emibili, wadlala ngokulingana kwemibili wahlulwa kwemithathu. Kule sizini uNtseki usephume kabili enkundleni esegadwe amaphoyisa, ngenxa yokudinwa kwabalandeli abasuke sebemujikijela. Lokhu kwenzeke lapho iChiefs ihlulwa khona iTS Galaxy, nangoLwesithathu lapho iguqiswe khona iSuperSport United.

Uma ingaqhubeka nokugqoza imiphumela kofane abakaMotoung bethathe isinqumo ngaye uNtseki okungenjalo, uzogcinye elinyazwa abalandeli kanti neChiefs izolokhu ihlawuliswa iPremier Soccer League (PSL) ngabalandeli abalimaza inkundla.

Intatheli yaboHlanga ibheka abadlali abajoyine kumaqembu amasha kuDStv Premiership, namaqembu abasuka kuwona.

Mamelodi Sundowns:

UThapelo Maseko (SuperSport United), uJunior Mendieta (Stellenbosch), uLesiba Nku (Marumo Gallants), uLucas Ribeiro Costa (SK Beveren) noBathusi Aubaas (TS Galaxy).

Orlando Pirates:

UMelusi Buthelezi (TS Galaxy), uSiphelo Baloni (All Stars), uKatlego Otladisa (Marumo Gallants), uPatrick Maswanganyi (SuperSport United), uSphamandla Gumede (Dondol Styars), uLesedi Kapinga (Mamelodi Sundowns) noKarim Kimvuidi (Maritzburg United)

Lamontville Golden Arrows:

UBradley Cross (Maritzburg United), uTebogo Motloung (Tshakhuma Tsha Madzivandila), u-Olwethu Ncube no-Angelo van Rooi (Hungry Lions), uLungelo Nguse (Pretoria University). u-Isima Watenga (Mamelodi Sundowns), uNhlanhla Zwane (University of Pretoria), uTebogo Tlolane (Orlando Pirates), uGbagbo Magbi (Shabaab Jabal) noOlufemi Kayode (Sunshine Stars).

TS Galaxy:

UFiacre Ntwari (AS Kigali), uSolomon Letsoenyo (Stellenbosch), uSamkelo Kabini (Orlando Pirates), uMpho Mvelase noThato Khiba (Marumo Gallants), uThabang Rakwena, uLehlogonolo Mojela noThabang Semache (Casric Stars), uHigor Vidal (Persebaya Surabaya), uThamsanqa Gabuza (SuperSport United), uLatif Bamba (GD Sagrada Esperanca) noSamir Nurkovic obengenaqembu.

AmaZulu FC

UCelimpilo Ngema (Marumo Gallants), Mondli Mbanjwa noMfanafuthi Mkhize (Uthongathi FC), uWayde Jooste noBen Motshwari (Orlando Pirates), uRowan Human (Maritzburg United), uVictorien Adebayor (RS Berkane), Siyanda Hlangabeza osuka kwinkulisa noVictor Letsoalo (Sekhukhune United)

Supersport United:

URonaldo Pfumbidzai (Chippa United), uPhathutshedzo Nange (Kaizer Chiefs), uSiphesihle Ndlovu noTerrence Dzvukamanja (Orlando Pirates), uGrant Margeman, u-Etiosa Ighodaro noLyle Lakay (Mamelodi Sundowns), uWashington Arubi (Marumo Gallants), Abdurazak Hamza (Namungo FC), uSiyanda Xulu obengenaqembu noRisen Albert (Highlands Park FC).

Cape Town City:

URamazani Tshimanga (JS Groupe Bazano), uTshegofatso Nyama (TS Galaxy), uRamazani Tshimanga (Js Grp. Bazano), uJo Paciencia (Interclube) noThabiso Kutumela (Mamelodi Sundowns).

Chippa United:

Amakhosi abheke ukuvula isizini ngesibabuli sesitobha saseTanzania

UCraig Martin (Orlando Pirates), uAugustine Mulenga (Napsa Stars, Zambia), uLuvuyo Memela (Richards Bay), uGoodman Mosele obolekiswe iPirates noSinoxolo Kwayibe (Polokwane City).

Cape Town Spurs:

UKeagan Buchanan (AmaZulu), uLuvuyo Phewa, uSiyanda Msani (MamelodiSundowns), uBoitumelo Radiopane (Orlando Pirates), uRiyaaz Nell (Marumo Gallants), uSam Ramsbottom (Edinburgh) noNeil Boshoff (Richards Bay).

Swallows FC:

ULantshene Phalane (Royal AM), u-Andile Jali (Mamelodi Sundowns), Victor Bakah noFalakhe Tshanini (Uthongathi FC), uKeenan Philips (SuperSport United), uDumisani Zuma noGabadinho Mhango (AmaZulu), uTshegofatso Mabasa (Orlando Pirates) noVusi Sibiya (Stellenbosch).

Stellenbosch FC:

U-Oscarine Masuluke (Baroka FC), uThabo Moloisane noGenino Palace (Maritzburg United), u-Ismael Traore (Marumo Gallants), uBasil Mphahlele (Baroka FC), u-Oura Anicet (Asec Mimosas) noSalifu Colley (Real de Banjul).

Stellenbosch FC:

UJamie Webber (SuperSport United), uRenaldo Leaner (Maritzburg United), noSiphesihle Mkhize (Mamelodi Sundowns).

Richards Bay:

U-Austin Dube (Kaizer Chiefs), uSinethemba Mngomezulu (Stellenbosch), uLucky Mohomi noLetsie Koapeng (Marumo Gallants), uThato Mohlamme (Uthongathi FC), uJustice Figuareido noBoikanyo Komane(All Stars FC), Bandile Ndlovu, Nkululeko Miya noThobani Mthembu (Umsinga United), u-Abdi Banda (Chippa United) noJackson Mabokgwane (Black Leopards).

Polokwane City

UNdumiso Mabena obengenaqembu, uGiven Mashikinya (Sekhukhune United), uLuciano Van Heerden (Baroka FC), uDouglas Mapfumo (Black Leopards), Oswin Appollis, uNyakala Rabadu noTlou Nkwe (Pretoria Callies), uKgotsofalo Mabu (Dondol Stars) noManuel Kambala (Magesi FC).