Ufihlwe izolo ngohlelo lukaHulumeni uPahad 

Ngokulandela inkolo yobuSulumane ufihlwe izolo ntambama emathuneni aseWestpark owabe eyisishoshovu sikaKhongolose kusaliwa nobandlululo uMnu u-Essop Pahad.

Lolu galagala obese lubalwa nabambalwa abebesadla anhlamvana abebesekhaleni lomzabalazo kulenele izolo ekuseni. UPahad ubeyingxenye yezingwevu ze-ANC. Emuva kokuzwakala kwezindaba zokudlula kwakhe, iSekela Mengameli uMnu uPaul Mashatile ngokwesikhundla sakhe njengomengameli obambile, umemezele ukuthi uPahad uzohlonishwa ngongcwabo okhethekile kuhulumeni osesigabeni sesibili.

Ngesikhathi sikaMengameli uThabo Mbeki nguye owayenguNgqongqoshe eHhovisi likaMengameli. Ngokwesigaba somngcwabe wakhe kube ngabombutho weSAPS abebethwele ibhokisi lakhe lihlonishiswe ngefulegi lezwe.

Imingcwabo yohlelo lukahulumeni yehlukene:

See Also

UMdeni nabangani bancamile : Uselondoloziwe uNtuli

1. Kukhona izigaba ezimbili zomngcwabo wombuso. Kukhona owokuqala obizwa Ngomngcwabo Wombuso Wesigaba Sokuqala, lona kuhlonishwa ngawo uMengameli Wezwe, uMengameli Oqokiwe nowayenguMengameli. UMngcwabo Wombuso Wesigaba Sesibili kuhlonishwa ngawo isekela likamengameli nababengamasekela omengameli.
2. INkosikazi kaMengameli osesihlalweni ihlonishwa ngoMngcwabo Osemthethweni. Nawo lo mngcwabo uhlukene izigaba ezimbili. Kukhona Esokuqala esinikwa ongqongqoshe, ondunankulu, oSomlomo ePhalamende likaZwelonke, uMehluleli Omkhulu, uSihlalo weNational Council of Provinces (NCOP) nanoma yimuphi umuntu ongaba yisikhulu ngokuhlonzwa uMengameli.

Esesibili kuhlonishwa ngawo iSekela likaMengameli, iSekela likaSomlomo, iSekela likaSihlalo Womkhandlu Wezifunda, iSekela likaMehluleli Omkhulu noMengameli Wenkantolo Yokwedlulisela Amacala.

Asikho isigaba okungena ngaphansi kwaso amakhosikazi alabo ababengomengameli.