Ikhulume kabanzi ngegesi yaseSenegal iGermany
IGermany ifuna ukuqhubeka nezinhlelo zegesi namandla avuselelekayo neSenegal, kusho uShansela u-Olaf Scholz ngeSonto ohambweni lwakhe lokuqala oluya e-Afrika, ngenxa yempi yase-Ukraine kanye nomthelela wayo ezindlekweni zikagesi nokudla. UScholz iqale uhambo lwezinsuku ezintathu eSenegal, enezigidigidi zama-M3 (cubic metres) zemithombo yegesi futhi okulindeleke ukuthi ibe umkhiqizi omkhulu wegesi esifundeni.
IGermany ifuna ukwehlisa ukwthembela kwayo kakhulu eRussia ngegesi kulandela ukuhlasela kweKremlin e-Ukraine. Isiqale izingxoxo neziphathimandla zaseSenegal mayelana nokumba igesi kanye negesi yemvelo ewuketshezi, kusho uScholz. “Kuyindaba okufanele ilandelwe kakhulu,” esho esithangamini sabezindaba noMengameli waseSenegal uMacky Sall, wengeza ngokuthi inqubekelaphambili ezingxoxweni isemazweni womabili anentshisekelo efanayo.
UScholz uthe iGermany nayo inentshisekelo kumaphrojekthi amandla avuselelekayo aseSenegal. Akazange anikeze eminye imininingwane. NgoLwesihlanu, isikhulu sikaHulumeni waseGermany sithe iGermany ingasiza ekuhloleni indawo yegesi eSenegal.
USall uthe iSenegal isikulungele ukusebenzela ukuhlinzeka imakethe yase-Europe ngeLNG. Ubikezele ukuthi iLNG yaseSenegal izokhipha amathani ayizigidi ezi-2.5 ngonyaka ozayo kanye namathani ayizigidi ezili-10 ngowezi-2030. Mayelana nokuhlolwa kwegesi, ukuxhaswa kwephrojekthi kanye neminye imibuzo, “konke okuvuliwe, futhi sizimisele ukusebenzisana neGermany kulo mongo,” uSall. kusho.
Impi yase-Ukraine
IGermany imeme zombili iSenegal, okuyimanje ebambe isikhundla sikaSihlalo we-African Union, kanye neNingizimu Afrika ukuthi bahambele umhlangano weG7 ezowusingatha ngoNhlangulana njengamazwe avakashelwa.
Womabili la mazwe anqabile ukuvotela isinqumo seNhlangano Yezizwe esimelene nokuhlasela kweRussia i-Ukraine, iMoscow esibiza ngomkhankaso okhethekile wezempi wokuqeda impi umakhelwane othi usongela ukuphepha kwayo. I-Ukraine namadlelandawonye ayo bathi impi iyisenzo sobudlova esingavunyelwe.
Ekhuluma njengoSihlalo we-African Union, uSall uthe amazwe amaningi ase-Afrika awafuni ukuchema kule mpi, wakugxeka ukuhlasela. “Ngokusobala, sifuna ukuthula,” esho, “sisebenzela ukwehla, sisebenzela ukuthi kuqedwe ukulwa, kuxoxiswane okuyisikhundla sama-Afrika.”
USall uthe uzovakashela eMoscow naseKyiv emasontweni azayo. Ukungqubuzana kwe-Ukraine, okusanhlamvu okukhulu nabaphakeli bokudla, kubangele ukuphazamiseka kokunikezwa okukhuphule amanani okudla namandla e-Afrika. “Ngizwakalise kuShansela uScholz ukukhathazeka kwethu okukhulu ngomthelela wempi,” kusho uSall, ecela usizo lwamazwe ngamazwe ukuze kwehliswe ukubheda kwamazwe ase-Afrika. UShansela uScholz ngeSonto uhambele iNiger wasuka lapho ngoMsombuluko weza lapha eNingizimu Afrika okuyilapho azoqeda khona uhambo lwakhe lwase-Afrika.