Lasuka lahlala eCameroon ngeSonto
Akusekho ukujikela emuva ngendumezulo yomqhudelwano wamazwe ezwenikazi i-Afrika i-Africa Cup of Nations (Afcon). ICameroon iyona izobe ingosokhaya kanti iboshelwe eqoqweni lokuqala namazwe afana no-Ethiopia, iCape Verde neBurkina Faso. Intatheli yelaboHlanga, uZipho Singela ihlaziya osokhaya.
Cameroon:
Uthini umlando wama-Indomitable Lions kweye-Afcon:
– Sebewunqobe amahlandla amahlanu lo mqhudelwano ngowe-1984, 1988, 2000, 2002 nangowezi-2017.
Yimaphi amazwe aseke anqoba lomqhudelwano njengosokhaya?
IEgypt (1959, 1986 nango-2006).
IGhana (1963 nango-1978)
I-Ethiopia (1962)
I Nigeria (1980)
I- Algeria (1990)
Iningizimu Afrika (1996)
ITunisia (2004)
Abadlali beCameroon ababhekiwe?
U-Andre Onana:
Ubalwa nonozinti abahamba phambili e-Afrika. Kulo mqhudelwano wonke amehlo azobe ethe njo kuyena ekutheni enze isiqiniseko sokuthi uvala kwasani oluthunyelwa yizitha. Isipiliyoni sakhe sokudlala ku-Ajax Amsterdam yaseHolland sizoba ngukhiye empumelelweni yeCameroon kulo mqhudelwano.
Eric Maxim Choupo-Moting:
Yize engesiyena umdlali oyiqala yonke imidlalo kompetha baseGerman, iBayern Munich kodwa akekho ongazi ukuthi uChoupo-Moting uzinikela kangakanani uma esenkundleni. Indaba yokungalitholi njalo ijezi ayimenzi adikibale. Yingakho ezoba yingozi emazweni amaningi ku-Afcon ngenxa yomoya wakhe wokulwa uma enikwe ithuba lokudlala.
Isikwati seCameroon:
Simon Omossola (AS Vita Club, DR Congo), Devis Epassy (OFI Crete, Greece) no-Andre Onana (Ajax, Netherlands).
Izitobha: Collins Fai (Standard Liege, Belgium), Olivier Mbaizo (Philadelphia Union, USA), Michael Ngadeu-Ngadjui (Gent, Belgium), JC Castelletto (Nantes, France), Harold Moukoudi (St Etienne, France), Enzo Ebosse (Angers, France), Ambroise Oyongo Bitolo (Montpellier, France), Jerome Onguene (Red Bull Salzburg, Austria) no-Nouhou Tolo (Seattle Sounders, USA).
Esiswini: Jean Onana Junior (Bordeaux, France), Malong Kunde (Olympiakos, Greece), Andre-Frank Zambo Anguissa (Napoli, Italy), Samuel Gouet Oum (Mechelen, Belgium), Martin Hongla (Hellas Verona, Italy), James Lea Siliki (Middlesbrough, England) no-Yvan Neyou (St Etienne, France).
Amafolosi: Ignatius Ganago (Lens, France), Christian Bassogog (Shanghai Shenua, China), Eric Maxim Choupo-Moting (Bayern Munich, Germany), Stephane Bahoken (Angers, France), Karl Toko-Ekambi (Lyon, France), Moumi Ngamaleu (Young Boys, Switzerland), Vincent Aboubakar (Al Nasr, Saudi Arabia) noClinton Njie (Dinamo Moscow, Russia).
Imidlalo yeCameroon ku-Afcon:
NgeSonto: Cameroon v Burkina Faso ngo-6 ebusuku
NgoLwesine: Cameroon v Ethiopia ngo-6 ebusuku Ngezi-17 kuMasingana: Cameroon v Cape Verde ngo-6 ntambama