Amavukelambuso e-M23 asegwamande idolobha iGoma eDRC
Amavukelambuso e-M23 asememezele ukuthi aselithathile idolobha iGoma okungelibalulekile empumalanga yeDemocratic Republic of Congo. Lesi simemezelo siza ngemuva kwezingxabano ezishubile nebutho laseCongo. Le mpi yaholela ekufeni kwamasosha ali-13, okuhlanganisa nawaseNingizimu Afrika ayisishiyagalolunye.
Kulaba baseNingizimu Afrika ababulawa, ababili bekungamalungu ebutho leNhlangano Yezizwe Ezihlangene, kwathi abayisikhombisa basebenzela umbutho wamazwe aseNingizimu ne-Afrika e-DRC. Kubikwe ukuqhuma kwesibhamu okunamandla ngaphandle kwaseGoma ngeSonto ebusuku, amavukelambuso e-M23 enikeze amasosha kahulumeni ithuba lokuthi azinikele ngehora lesi-3 ekuseni.
Akukacaci ukuthi iKinshasa izosabela kanjani kulesi simo. Ukukhathazeka kuyakhula mayelana nokwenzeka kokuba iGoma iwe ngokuphelele ngaphansi kokulawulwa amavukela-mbuso.