I-ANCWL izomashela e-Union Buildings

I-ANC Women’s League ibe nesithangami nabezindaba izolo ngaphambi kwemashi yayo emayelana nokuhlukunyezwa kwabesifazane nezingane ngoLwesihlanu ePitoli lapho ithe imashi yaleli sonto ebheke e-Union Buildings izophinde iqwashise ngomthelela wezinkinga ezikhona ezindlini eziphethwe abesifazane.

UNobhala-Jikelele we-ANCWL uNokuthula Nqaba uthe loluphiko luyathemba ukuthi uhulumeni uzosithola isisombululo kule nkinga ekhona.

“Imashi yokuya ekomkhulu likahulumeni kuwukukhombisa kwethu  ukuzibophezela ekuvikeleni  izingane zethu ezifweni ezitholakala ngokudla, lapho isifundazwe saseGauteng kulo nyaka sisodwa sikhungethwe yizigemegeme ezicishe zibe ngama-30 lapho izingane ezidle ukudla kwamaspaza zagcina sezishonile. Sikhathazekile ngomphumela lokhu okunawo ezindlini eziphethwe abesifazane ezweni lakithi futhi siyethemba ukuthi uhulumeni uzozithola maduze izixazululo kulezi zigameko ezibuhlungu.”