UZelenskyy akanamhlahlo ngokungenziwa uTrump uma enganqoba ukhetho
UMengameli wase-Ukraine uVolodymyr Zelenskyy uthe ngeke akwazi ukubikezela ukuthi uDonald Trump uzokwenzani uma ekhethwa okwesibili njengomengameli wase-USA ngoLwezi, wengeza ngokuthi akamazi kahle uTrump kodwa unethemba lokuthi ukusekela kwe-USA iKyiv ngeke kushintshe.
“Angimazi kahle. Angazi. Ngaba nemihlangano naye futhi saba nemihlangano emihle ngesikhathi esenguMengameli kodwa asizange sidlule empini naye,” kusho uZelenskyy, ekhuluma ngesiNgisi ngaphandle komhumushi, ngesikhathi kunomcimbi eRonald Reagan Institute. eWashington, DC.
“Angikwazi ukukutshela ukuthi uzokwenzani, uma ezoba nguMengameli wase-USA. Angazi.”
UZelenskyy unxuse abaholi bezepolitiki base-USA eWashington ukuthi bangalindeli imiphumela yokhetho lukamongameli lwase-USA ngoLwezi ukuthi bahambe ngamandla ukusiza izwe lakhe empini neRussia.
“Wonke umuntu ulindele uLwezi. Abantu base-USA balinde uLwezi, e-Europe, eMiddle East, ePacific, umhlaba wonke ubheke kuLwezi futhi, uma ngikhuluma iqiniso, (uMengameli waseRussia) uPutin naye ulindele uLwezi,” kusho uZelenskyy.
“Sekuyisikhathi sokuthi siphume ethunzini, kuthathwe izinqumo eziqinile, kuthathwe izinyathelo futhi kungalindiwa uLwezi nanoma iyiphi enye inyanga.”
