I-MK

Isikhongeli seqembu eliphikisayo uMkhonto Wesizwe (MK) esethulwe mhla zingama-3 kuNdasa wezi-2024.

Inqubomgomo kagesi

• Ukuzinziswa kanye nokwandiswa kwegridi: Ukunweba igridi kagesi kuwo wonke amagumbi aseNingizimu Afrika, ukuqinisekisa umthamo owanele wokunika amandla ikusasa lezwe lezimboni, kusukela ekucutshungulweni kwempahla kuya ekukhiqizeni.
• Ugesi Osimeme: Kuzoqhutshekwa nokusebenziswa futhi kuhlolwe izinhlobo zikagesi ezithengekayo nezisimeme, kubekwe eqhulwini ukuhlomula kwabantu baseNingizimu Afrika.

Inqubomgomo yezemfundo

• Indlela Yamakhono Ahlobene Nezimakethe: Kuzokwamukelwa indlela yokuhambisa phambili amakhono ehlangabezana nezidingo zemakethe, okuzoqinisekisa ukuthi imfundo ihambisana nezidingo zomnotho wezwe.
• Ukudluliselwa Kwamakhono Okuthuthukisiwe: Kuzoqikelelwa ukudluliswa kwamakhono okusekelwe ekushodeni kwawo kanye nalawo aqhamuka ngaphandle, okuzonqanda ukuhlukumezeka kwezemfundo ephakeme kanye nokugqugquzela ukuqeqeshwa okufanele ngaphakathi kwemingcele yezwe.

Ukuphepha Kwezwe

• Ukuvikelwa Kwemingcele: Kuzoqiniswa ezokuphepha emingceleni nokunciphisa inkohlakalo, ukuqinisekisa ukuthi imithetho yaseNingizimu Afrika iyahlonishwa futhi ibekwa eqhulwini kunezimfuno zakwamanye amazwe.
• Ukuguqulwa Kwezomthetho Nesakhiwo: Ukulungisa kabusha ama-ejensi okugcinwa komthetho ukuze kwenziwe ngcono ukusebenza kahle nempumelelo ekulweni nobugebengu nenkohlakalo.

Ukwabiwa Kabusha Komhlaba

• Ukusheshiswa Kokwabiwa Kabusha: Ukusheshisa izinqubomgomo zokwabiwa kabusha komhlaba kuyilapho kugcinwa ukutholakala kokudla kanye nokwandisa ukuthunyelwa kokudla ngaphandle kwaleli.
• Ukuvikelwa Kwezinsiza: Kuzovinjelwa ukuxhashazwa kwezinsiza zaseNingizimu Afrika yizinhlangano zakwamanye amazwe, ukuqinisekisa ukuthi ingcebo ihlala ngaphakathi ezweni.

Inqubomgomo yezempilo

• Ezempilo ezisezingeni elamukelekile futhi ezitholakala kalula: Kuzoqinisekiswa ukuthi izikhungo zokunakekelwa kwezempilo kulula ukuthi izakhamuzi zifinyelele kuzo, zinabasebenzi abanele, futhi zinezinsiza ezanele, okuhlanganisa nemithi ehlukile ongakhetha kuyo.
• Ingqalasizinda kanye nezisebenzi: Ukuthuthukisa ingqalasizinda yokunakekelwa kwezempilo futhi kwandiswe isibalo sezisebenzi zezempilo.

Inqubomgomo yezomnotho

• Ukwakhiwa Kwamathuba Emisebenzi kanye Nokukhula Komnotho: Inhloso ukudala amathuba emisebenzi ayizigidi ezi-5 eminyakeni emi-5 ngokugxila emikhakheni efana nezimayini, ezolimo, ukuvuselela izimboni, ezokuvakasha kanye nokuthuthukiswa kwengqalasizinda.
• Izinqubomgomo Zomnotho Ezibandakanyayo: Ukuqalisa izinqubomgomo ezicacisa izithiyo zokukhula futhi zandise amandla emithombo yemvelo ukuze kuthuthukiswe bonke abantu baseNingizimu Afrika.

Inqubomgomo yabaholi bomdabu

• Kuzonikezwa Abaholi Bomdabu Amandla: Ukuqinisa indima negunya labaholi bendabuko ekubuseni nasekuthuthukisweni komphakathi, kuzoqinisekiswa ukubamba iqhaza kwabo ezinhlelweni zokuthatha izinqumo ezithinta imiphakathi yabo.

Inqubomgomo Yezangaphandle kanye Nokuhlanganiswa Kwesifunda

• Ukukhuthaza Ukuzinza Nokubambisana Kwesifunda: Ukulwela izinqubomgomo ezikhuthaza ukuthula, uzinzo, nokuhlanganiswa kwezomnotho esifundeni se-SADC nangale kwayo.
• Kuzoqiniswa ubukhona baleli kwezamazwe ngamazwe: Ukuqinisekisa ukuthi inqubomgomo yezangaphandle yeNingizimu Afrika ikhombisa izintshisekelo zayo kazwelonke kanye namagugu, imela ubulungisa nokuhloniphana ebudlelwaneni bamazwe ngamazwe.