UGuterres ufuna kube nokuzithiba emveni kokuhlasela kwe-Iran
UNobhala-Jikelele weNhlangano Yezizwe u-Antonio Guterres ngeSonto ukhiphe isikhumbuzo sokuthi izenzo zokuphindisela ezibandakanya ukusetshenziswa kwamandla zivinjelwe ngaphansi komthetho wamazwe ngamazwe ngemuva kokuhlasela kwe-Iran kwa-Israyeli, kwathi kusenjalo iMelika yaxwayise uMkhandlu Wezokuphepha ukuthi izosebenzela ukwenza iTehran iphendule ku-UN ngokuhlasela kwayo.
UGuterres, ekhuluma emhlanganweni woMkhandlu Wezokuphepha we-UN, utshele amazwe angamalungu ukuthi umthetho-sisekelo we-UN uvimbela ukusetshenziswa kwamandla ngokumelene nobuqotho bendawo noma ukuzimela kwezombusazwe kwanoma yimuphi umbuso njengoba egxeka ukuhlasela kwe-Iran kwa-Israeli futhi waxwayisa ngokuqhubeka nokukhula kwaloku ngqubuzana.
I-Iran idubule inqwaba yama-drones yadubula nemicibisholo (missiles) ngoMgqibelo ekuhlaseleni kwayo okuqondile okokuqala ngqa endaweni yakwa-Israel, nokubeka engcupheni yokwanda okukhulu kwalokungqubuzana phakathi kwala mazwe.
Lokhu kuhlasela kube kulandela izinsolo zokuhlasela kwa-Israeli esikhungweni senxusa lase-Iran eSyria ekuqaleni kwephezulu esabulala abaphathi abaphezulu beRevolutionary Guards futhi kwalandela izingxabano zezinyanga phakathi kuka-Israel namadlelandawonye ase-Iran esifundeni, okwabangelwa impi yaseGaza.
“IMiddle East isonqenqemeni lempi enzima kakhulu . Abantu bakulesi sifunda babhekene nengozi yangempela yengxabano ebhubhisayo egcwele. Manje yisikhathi sokudambisa futhi sinciphise, ”kusho uGuterres etshela umhlangano, nobizwe ngemuva kokuhlasela kwe-Iran.
IPhini LeNxusa lase-USA ku-UN uRobert Wood licele le nhlangano enamalungu ali-15 ukuthi ikugxeke ngokungananazi ukuhlasela kwe-Iran, njengoba ethe uMkhandlu Wezokuphepha unesibopho sokungavumeli izenzo ze-Iran zingaphendulwa.
“Ezinsukwini ezizayo, futhi ngokubonisana namanye amazwe angamalungu, i-United States izobheka ezinye izindlela zokuthi i-Iran iphendule lapha ku-United Nations,” esho, ngaphandle kokucacisa ukuthi i-US izothatha siphi isinyathelo. “Ake ngicacise: uma i-Iran noma abasebenzisana nayo bethatha izinyathelo ngokumelene ne-United States noma izinyathelo ezengeziwe ngokumelene no-Israeli, i-Iran izobhekana necala,” esho, wengeza ngokuthi i-US iqaphele amazwi kaGuterres nokuthi izenzo zeWashington bekungezokuvikela.
