I-USA igxeka iRwanda ngokwanda kodlame eCongo

I-USA ngoMgqibelo igxeke udlame oluqhubekayo empumalanga yeDemocratic Republic of Congo (DRC), umunwe wayo ukhomba iM23, okuyiqembu elihlomile ethe lesekelwa yiRwanda.

Isitatimende soMnyango Wezwe e-USA sicele iM23 ukuthi imise ukulwa ngokushesha futhi ihoxe ezindaweni esizithathile  eSake naseGoma. “I-United States iyakugxeka ukweseka kweRwanda kweqembu elihlomile leM23,” kusho isitatimende.

Icele iRwanda ukuthi ihoxise ngokushesha bonke abasebenzi bayo bezempi eDRC futhi isuse izinhlelo zemicibisholo esukela phezulu iye emoyeni, ithi lokhu kusongela impilo yabantu, i-UN kanye nabanye abagcini bokuthula besifunda, abasebenzi bezosizo kanye nezindiza zezentengiselwano empumalanga yeDRC. IRwanda yona  iyakuphika ukweseka amavukelambuso.

Isitatimende sase-USA siphinde sacela iDRC ukuthi iqhubeke nokweseka izindlela zokwakha ukuzethemba, okuhlanganisa nokuyeka ukusebenzisana neqembu elihlomile iDemocratic Forces for the Liberation of Rwanda.

See Also

UZelenskyy akanamhlahlo ngokungenziwa uTrump uma enganqoba ukhetho

Izingxabano phakathi kwamavukelambuso eM23, umbutho wezwe kanye namaqembu azivikelayo abesekayo zishubile muva nje eDRC, nokuphoqe ukuthi imiphakathi yonke ibaleke.