Now Reading
IPAARL Rocks iqinise indawo yayo esicongweni seBetway SA20 League izolo ebusuku
Dark Light

IPAARL Rocks iqinise indawo yayo esicongweni seBetway SA20 League izolo ebusuku

Leli qembu laseKapa linqobe ithosi lakhetha ukuthi lizoshwiba kuqala. ISuper Kings ihlanganise ama-run ali-168 kusawe amawikhethi amathathu kuma-over angama-20. 

UReeza Hendricks noMoeen Ali yibona abenze ezibukwayo ku-Innings yeSuper Kings.

UReeza Hendricks ushaye ama-run angama-79 emabholeni angama-56 kwathi u-Ali wazitholela angama-23 emabholeni ali-12. 

Bobabili kuphele umdlalo bengazange bakhishwe. Leli qembu laseGoli lisheshe lalahlekelwa yiwikhethi nge-over yokugcina yep yePowerplay. UFaf Du Plessis ukhishwe nguLungisani Ngidi esenze ama-run ali-17 emabholeni ali-19. 

Ngeyeshumi kuphinde kwaqathaka enye ngesikhathi uLeus du Plooy ekhishwa ngu-Andile Phehlukwayo enama-runs angama-30 emabholeni ali-16.

USibonelo Makhanya ugodukiswe nguFabian Allen esashaye ama-runs ali-15. 

UHendricks no-Ali bahlanganise ama-run angama-62 bendawonye. ISuper Kings igcine yenze ama-run ali-168.

IPaarl Rocks evutha ingabaselwe ingene enkundleni izama ukuzojaha lesi sibalo sama-run. Isifice ngempumelelo kusasele amabhola ayisithupha kuphele umdlalo. 

UJos Buttler, Wihan Lubbe, Dane Vilas no-Allen bonke bafake isandla empumelelweni yePaarl Rocks.

See Also

UButtler uhlanganise ama-run angamq-22, uLubbe wahlohla angama-57, uVilas wathola angama-42 njengoba u-Allen engazange akhishwe enze ali-17 emabholeni ayisikhombisa.

Amawikhethi eSuper Kings athathwe ngu-Ali ozihlomulele ngamabili, uLizaad Williams no-Imran Tahir bobabili abathole iwikhethi eyodwa umdlali ngamunye. UVilas ukhishwe nguNandre Burger nge-run out. 

IPaarl Rocks ivule igebe lamaphuzu amane kuDurban Super Giants esicongweni seBetway SA20 League. 

Ngemuva kwemidlalo eyisithupha isiqoqe amaphuzu angama-22. Isinqobe imidlalo emihlanu kweyisithupha. Kusasa ngo-5.30 ntambama izokwamukela iSuper Giants eBoland Park, eKapa.

Scroll To Top