Iqembu lamaphekula lithumbe indiza ye-UN eSomalia
Izikhulu zaseSomalia zithi indiza enophephela emhlane ibithwele abagibeli abayisishiyagalolunye, oyedwa wabo washona.
Lelizwe elaziwa ngoPhondo lwase-Afrika( Horn of Africa) manje libhekene nengwadla yokuthi lingabahlenga kanjani abathunjwa yileliqembu elaziwa ngokubaphatha kabi okuyiqembu lamaphekula i-Al Shabab ngemuva kokwehla ngokuphuthumayo( emergency landing) ngenxa yezinkinga zobuchwepheshe endaweni elawulwa yileli qembu, kusho izikhulu ezintathu zaseSomalia.
Abagibeli abayisithupha bathunjiwe, kwathi ababili babaleka kwashona oyedwa, ngokusho kwezikhulu ezingathandanga ukudalulwa ukuze kudingidwe izindaba ezibucayi. Izimo somgibeli lona oyedwa abulawe ngaphansi kwazo bezingakacaci.
Bekukhona abokufika phakathi kwabagibeli, kusho esinye sezikhulu, nakuba bengaziwa ukuthi bangowaluphi uhlanga. Okungenani oyedwa odabuka eSomalia ubesendizeni enophephela emhlane, kusho esinye isikhulu.
Igama elithi “Al Shabab”, lichaza ukuthi “Intsha” ngesi-Arabhu, isibhebhethekise uthuthuva kulo lonke elaseSomalia cishe iminyaka eyishumi nengxenye, ithembisa ukuketula uhulumeni kazwelonke osekelwa yi-UN futhi isungule umbuso wamaSulumane kuleliyalizwe.
Leli qembu lilawula amasosha aphakathi kwezi-7,000 nezi-12,000 futhi lenza imali elinganiselwa ezigidini eziyi-120 zamaDollar ngonyaka ngokuqola nokukhokhisa intela, ngokusho kweziphathimandla zaseSomalia kanye nezikhulu zezobunhloli zaseMelika.
Indiza enophephela emhlane, okwakungeyeHhovisi Lokusekela iUnited Nations eSomalia, ihlinzeka ngosizo lwezokuthutha emabuthweni okugcina ukuthula anamalungu ayi-17 000 noMbutho Wezoguquko WeNhlangano Yamazwe ase-Afrika eSomalia. Lokho kusekelwa kuhlanganisa ukuthutha ukudla kanye nophethiloli, ukuhlinzeka ngezinto zokuhamba ezihamba phansi nezomoya kanye nokukhishwa kwezisulu.
Abagibeli ababili ababalekile bebengakaziwa ukuthi bashonephi, kusho esinye sezikhulu.
Ihhovisi le-U.N eSomalia alizange liphendule ngokushesha izicelo zokuphawula. Akubangakho ukuphawula kwakamuva kweShabab, nanoma yiziphi izibuyekezo kumawebhusayithi axhumene naleliqembu.
UStéphane Dujarric, okhulumela unobhala-jikelele we-UN, ukuqinisekisile ukuthunjwa kwalelibhanoyi esithangamini nabezindaba ngoLwesithathu kodwa wenqabile ukuphawula. “Imizamo yokuphendula lesi senzo iyaqhubeka,” kusho uMnu. Dujarric. “Ukuze kuphephe bonke abagibele, ngeke sisho okunye. Esikukhathalela kakhulu ukuphepha kwabo.”
Kusukela ethathe izintambo ngowezi-2022, umongameli waseSomalia, u-Hassan Sheikh Mohamud, ufunge wagomela ukuthi uzoyiqeda iShabab ngokwezempi nangezimali. Uthululele amasosha ezindaweni eziseningizimu namaphakathi neSomalia, okuhlanganisa naseduze nalapho indiza enophephela emhlane ithunjwe khona.
Ngosizo lwama-drones aseMelika emoyeni kanye nezidlamlilo zemiphakathi, amasosha aseSomalia akhulule inqwaba yamadolobhana amancane nezindawo zasemakhaya, ngokusho kwezikhulu zaseSomalia kanye nezikhulu zezokuphepha.
Uhulumeni kaMohamud uzamile ukunciphisa amandla omnotho we-Shabab ngokukhawulela ukufinyelela kwayo ohlelweni lwezezimali nokufunga ukuvala amabhizinisi ayekhokhela leliqembu izimali ngenxa yokuphoqwa yilo.
Kodwa leliqembu lisalokhu liqhubeka naphezu kwalemizamo kahulumeni, lapho lihlasela kaningi amasosha kanye nezakhamuzi ezweni lonke. Leli qembu liphinde lakhomba futhi labulala inqwaba yezikhulu zendawo kanye nabaphathi bedolobha ababelwa nalo futhi besekela uhulumeni emzamweni wokulwa nokuvukela umbuso.