Iqale ngomfutho ophezulu i-Afcon
Ivule ngenothi eliphezulu i-Ivory Coast ku-Africa Cup of Nations (AFCON) ithela othulini iGuinea Bissau ngo 2-0 emdlalweni wokuqala obuse-Olympic Stadium of Ebimpe.
Amagoli osokhaya balo mqhudelwano omkhulukazi webhola e-Afrika abaselwe enethini nguYahia Fofana noJean-Phillipe Krasso.
Ngomzuzu wesine uFofana uphendule izitobha zeGuinea kabili kathathu ngemuva kwalokho wadonsa intambo.
Kucwaze inkundla yonke ibhola libhakuza enethini. I-Ivory Coast iqhubekile nokuphatha umdlalo ngesiwombe wokuqala kodwa yahluleka wukusebenzisa amathuba ngendlela.
Kuyiwe ekhefini i-Ivory Coast ihamba phambilini ngo 1-0 kulo mdlalo. Ngesiwombe sesibili iqhubeke ngomgqigqo ofanayo. Nakhona ihlulekile wukusebenzisa amathuba ngendlela.
Ngomzuzu ka-58, uKrasso wenze isiqiniseko sokuthi ezakhe zivula ngamaphuzu amathathu.
Kowesibili osokhaya bazodudulana ne-Equatorial Guinea ngoMsombuluko ozayo e-Olympic Stadium ngo-7 ebusuku.
Njengamanje i-Ivory Coast ihlezi esicongweni ngamaphuzu amathathu ngemuva komdlalo owodwa.
