UMashatile akalilahlile ithemba ngamathuba omsebenzi nomnotho
IPhini likaMengameli uMnu uPaul Mashatile uthe kubalulekile ukuthi uhulumeni nemboni yezimoto baqinise ubudlelwano ukuze kuthuthukiswe umnotho nokudala amathuba omsebenzi.
Ubekhuluma ngosuku lokugcina lwe-Automotive Week ethathe izinsuku ezintathu eMidrand’s Gallagher Convention Centre. Umkhakha wezimoto ungumkhakha wezokukhiqiza omkhulu waseNingizimu Afrika, onegalelo elingama-5% ku-GDP futhi uqashe abasebenzi abanamakhono abayizi-460,000.
Uthe imboni yezimoto izoshintsha kakhulu eminyakeni eyi-10 ezayo kunale minyaka eyi-100 edlule. “Ngokubambisana, kufanele sicabangele indlela yokudala izinhlelo ezisebenzayo, ezizuzisayo, nezisebenzisekayo ezizoqhuba uguquko lwe-electro-mobility oluhambisana nokwanda komnotho wethu.”
“Kumele sakhe amathuba emisebenzi amasha asezingeni eliphezulu, sinikeze abantu abasha amathuba omsebenzi ajabulisayo,” kwengeza uMashatile.
