Zimkhalele uKhan

Amaphoyisa abophe owayenguNdunankulu wasePakistan u-Imran Khan eLahore ngoMgqibelo ngemuva kokuba inkantolo imgwebe iminyaka emithathu ebhadla ejele ngokudayisa izipho zombuso ngokungemthetho, nokungase kuvimbele lomholi  ukuthi angenele ukhetho oluzayo. Ongoti bezomthetho bathi isinqumo senkantolo yesifunda sase-Islamabad esimthole enecala singase siqede ngembangi enkulu kaNdunankulu uShehbaz Sharif okhethweni lukazwelonke okulindeleke lubanjwe ngoLwezi. “Amaphoyisa abophe u-Imran Khan lapho ehlala khona,” kusho ummeli kaKhan, u-Intezar Panjotha, etshela abeReuters.