Uphunyuka bemphethe
Isithombe: Getty Images
UNdunankulu waseJapan uFumio Kishida ukhishwe engenamyocu ngemuva kokuthi umsolwa ejikijele okwakubonakala njengebhomu ngesikhathi ethula inkulumo eyayingaphandle entshonalanga neJapan ngoMgqibelo.
Kuzwakale ukuqhuma okukhulu, kodwa uNdunankulu wacasha wangalimala ngesikhathi amaphoyisa ecindezele owesilisa endaweni yesigameko, kusho umsakazi weNHK. Abekho abalimele.
OwayenguNdunankulu uShinzo Abe, umholi osenesikhathi eside kunabo bonke eJapan yesimanje, wabulawa ngesibhamu esenziwe ekhaya ngoNtulikazi odlule ngesikhathi ekhankasela ukhetho lwasephalamende, okwashaqisa isizwe nokwadala ukuthi kubuyekezwe ukuphepha kosopolitiki, abahlale bezihambela emphakathini.