Now Reading
U-Akpeyi usethole ikhaya elisha
Dark Light

U-Akpeyi usethole ikhaya elisha

KwelaboHlanga ngeledlule kubikwe ukuthi uDaniel Akpeyi, kusele kancane athole ikhaya elisha nebala lithe lishona elayizolo ngoMsombuluko kube sekuvela ukuthi usengumdlali weSwallows FC. 

U-Akpeyi wodumo kuKaizer Chiefs naseqenjini lesizwe iNigeria usayine inkontileka yezinyanga ezinhlanu neSwallows FC ezama ukubalekela izembe kuDSTV Premiership.

“U-Akpeyi uqede konke neSwallows ngomsombuluko. Usayine inkontileka yezinyanga ezinhlanu kanti ihambisana nombandela wokuthi yelulwe ngamasizini amabili,” kuchaza umthombo ongashayi eceleni.

U-Akpeyi ubesehlale izinyanga ezinhlanu engenaqembu yize ebezilolonga neSwallows. Ngesizini edlule ubesemabhukwini eChiefs. 

See Also

“ISwallows ikhohlwa wukuthi u-Akpeyi angayisiza ivike izembe. Yingakho ithathe isinqumo sokumsayinisa. Izikhulu zeqembu zichazwa yindlela aziphatha ngayo. Umqeqeshi naye u-Ernst Middendorp uyazifela ngaye. Basebenzisana kahle ndawonye kuChiefs,” kubeka umthombo.

KuLogi iSwallows FC ihlezi endawe ye-15 ngamaphuzu ali-18 emva kwemidlalo eli-18. Kumdlalo olandelayo izovovana inkani neRichards Bay FC engomakoti, ebukeka ivunwa izinto njengoba ihlezi endaweni yesibili. 

Scroll To Top