Amasosha ahoxile endaweni yempi
Amasosha angaphezu kwesigamu aseTigray ahoxile endaweni yempi ngokusho komkhuzi omkhulu wamasosha, ngenyanga edlule ngemuva kwesivumelwano sokuqeda umbango weminyaka emibili esifundeni sase-Ethiopia esisenyakatho iTigray.
“Sifeze ukuhoxiswa kwebutho lethu ngamaphesenti angama-65,” kusho uTadesse Wereda, umphathi omkhulu we-Tigray People’s Liberation Front (TPLF) kuvidiyo efakwe ekhasini elisemthethweni le-Facebook ngoMgqibelo.
“Ibutho lethu lasuka ezindaweni zempi lathuthela endaweni ebelilungiselelwe ukuthi likampe. Amasosha ethu ahoXe ngezimoto nangezinyawo.”
Okhulumela uhulumeni wase-Ethiopia uLegesse Tulu akazange aziphendule izicelo zokuthi aphawule. Kwaqubuka impi esifundeni sase-Ethiopia esisenyakatho iTigray ngoLwezi wezi- 2020, yaxabanisa amabutho aseTigray nezombutho zezwe namadlelandawonye awo okuhlanganisa amasosha avela esifundeni sase-Amhara emngceleni wamasosha aseTigray nase-Eritrea. Le mpi isibulale izinkulungwane, yashiya izigidi zabantu belahlekelwe ngamakhaya yashiya amakhulu ezinkulungwane ebhekene nendlala.
Nokho, ngendlela emangazayo, izinhlangothi zombili zasayina isivumelwano sokuthula esiphethwe yiAfrican Union (AU) zimbili kuLwezi eNingizimu Afrika. Isivumelwano sokuhoxiswa kwezikhali namasosha e-TPLF, iziqinisekiso zokufinyelela kosizo kanye nokungena kwamasosha ase-Ethiopia enhloko-dolobha yaseTigraya iMekele sasayinwa ngoLwezi zili-12 eKenya.
UTadesse uthe i-TPLF isaqhubeka nokugcina ibutho layo kwezinye izindawo “lapho kukhona khona amabutho alwa nokuthula”. Akazange azisho izindawo. “Amabutho ethu asagcwele amathafa kulezo zindawo ngenxa yezinkinga lamabutho alwa nokuthula azidalela abantu bakithi Kodwa sesize sanciphisa isibalo samabutho ethu kulezo zindawo.”
NgoLwesine uhulumeni wobumbano uthe ikomidi elihlanganyelwe elijutshwe ukuba lidwebe uhlelo lokuhoxiswa kwezikhali kwe-TPLF seliwuqalile umsebenzi walo futhi lizophothula lolu hlelo ezinsukwini ezimbalwa ezizayo.
Noma kuneziqinisekiso zokufinyelela kosizo ezivelile esivumelwaneni, nokho, iWorld Health Organisation ithe ngoLwesihlanu ayikabi nakho ukufinyelela okungavinjelwe eTigray. Abasekeli base-Ethiopia baphinde baphanga amadolobha, babopha futhi babulala izakhamuzi futhi bathutha izinkulungwane zabantu endaweni ephikisanayo yaseTigray naphezu kwesivumelwano sokuthula, izakhamuzi kanye nabasebenzi bosizo.
