Ubuhanguhangu budlule neziboshwa ezitokisini
Kushone iziboshwa eziyisishiyagalombili ngenxa yomlilo ejele laseTehran’s Evin ngempelasonto, kusho abezomthetho e-Iran ngoMsombuluko, okuphinde kwaphindeka kabili isibalo sabashonile ngenxa yomlilo osunyuse ingcindezi kuhulumeni olwela ukunqanda imibhikisho emikhulu.
Ukushona kuka-Mahsa Amini, oneminyaka engama-22, zili-16 kuMandulo ngesikhathi esesitokisini samaphoyisa kuqubule imibhikisho ezweni lonke iziphathimandla ebezizama ukuyiqeda ngenkani. Uphiko lwezobulungiswa e-Iran luthi zonke izisulu zokusha kwejele bezigcinwe engxenyeni yejele ehlelelwe iziboshwa zamacala ahlobene nokuphanga. Ijele i-Evin libuye libambe iziboshwa zezepolitiki kanye neziboshwa eziningi ezibhekene namacala okuphepha, okuhlanganisa namabantu abanobuzwe obubili.
Ekuphawuleni ngaloludaba, iphephandaba lezwe lithe amabutho aphikisana nezinguquko ngosizo lwezobunhloli bangaphandle ahlele umlilo ukuze agxilise ukunaka kwamazwe angaphandle ezinxushunxushwini zezwe.
Leli phephandaba lithe: “Ukubuyekezwa kobubanzi bayo obuhlukene balesi senzakalo kubonisa ukuba khona kwalezi “zinhloli” noma izinhloli” zamazwe amabili eziyizakhamuzi zamazwe asentshonalanga, lokhu kungaheha lawo mazwe, kuthukuthelise ababhikishi. Okhulumela uMnyango Wezangaphandle e-Iran uNasser Kanaani uthi umlilo oqubuke e-Evin ungenzeka kunoma yiliphi izwe.
UMongameli wase-US uJoe Biden kanye ne-European Union baphakathi kwalabo abagxeke ukuhlasela kwalelizwe ababhikishi, ne-EU icubungula ukumisa impahla kanye nokuvinjelwa kokuhamba kwezikhulu eziningi zase-Iran ezithintekayo.
Umkhulumeli wezobulungiswa uMasoud Setayeshi uxwayise ngokuthi “Ukusabalalisa amanga ngenhloso yokuphazamisa umbono womphakathi kuyisijeziso somthetho”. Imindeni yezinye iziboshwa zezombangazwe yangena ezinkundleni zokuxhumana icela iziphathimandla ukuthi ziqinisekise ukuphepha kwazo e-Evin, okwathi ngowezi-2018 yafakwa ohlwini lwabavinjelwe nguhulumeni wase-US “ngokuhlukumeza amalungelo abantu”.