Ukuvela kwecala elisesezithebeni zeNkantolo embikweni kaZondo kunyuse izinhlonzo kuZuma
Okhulumela iJacob Zuma Foundation, uMzwanele Manyi (osesithombeni) uthe umxhasi weFoundation, owayenguMengameli uJacob Zuma uzobika uMehluleli Omkhulu kuleli kanye noSihlalo weKhommisihini Yokugwamandwa Kwamandla Ombuso, uRaymond Zondo kuKhomishini Yezobulungiswa.
UManyi ubephendula ukukhishwa kombiko wokugwamandwa kwamandla ombuso ngoLwesithathu. Embikweni, uZondo ubalule ukuthi lowo owayenguKhomishana kaZwelonke Wezokuhlunyeleliswa Kwezimilo, u-Arthur Fraser wanikeza uZuma ushwele wokugula ngokweseluleko seBhodi Likashwele Wezempilo ngonyaka odlule. Lokhu kulandela ukugwetshwa kukaZuma ejele ngokudelela inkantolo yiNkantolo YoMthethosisekelo ngemuva kokuthi enqabile ukuqhubeka nokuvela phambi kweKhomishini.
UManyi uthi lolu daba luzolalelwa eNkantolo Enkulu Yokudluliswa Kwamacala ngoNcwaba ngakho-ke akufanele lukhishwe. “Ngemuva kokunye ukuphawula kweNhloko Yabehluleli uZondo ngobudedengu, uMengameli wangaphambili uJacob Zuma usetshele ithimba lakhe labameli phakathi kwezinye izinto ukuthi libikele iNhloko Yabehluleli uZondo kuKhomishini Yezobulungiswa emasontweni amabili noma amabili ezayo. Ngokukhethekile, iKhomishini Yezobulungiswa izocelwa ukuba iphenye ukuphawula okungekho emthethweni kweNhloko Yabehluleli uZondo owazibophezela ukuthi aphawule ngezindaba ezisalinde izinkantolo. UZondo ubhale ukuthi uMnu Fraser owayenguKhomishana Kazwelonke Wezokuhlunyeleliswa Kwezimilo wamnikeza, okusho ukuthi uZuma, ushwele wezempilo ngaphansi kwezimo ezingabazekayo.”
UManyi usekungabaze ukuba semthethweni kweKhomishinni Yokugwamandwa Kwamandla Ombuso. UManyi uthi ukusungulwa kweKhomishini kwakungekho emthethweni ngemuva kokuthi lowo owayeyiNhloko Yabehluleli uMogoeng Mogoeng eqoke iPhini leNhloko Yabehluleleli ngaleso sikhathi, uRaymond Zondo ukuthi abe nguSihlalo weKhomishini. IKhomishini yanconywa ngowayenguMvikeli WoMphakathi, uThuli Madonsela ngowezi-2016 ngemuva kokukhishwa kombiko wakhe wokugwamandwa kwamndla ombuso.
Okutholwe emiqulwini eyahlukene yombiko weKhomishini kufake uZuma ekubambeni iqhaza ekubanjweni kombuso ngobhongwana ngabakwaGupta. UZondo unikeze ngokusemthethweni umbiko weNgxenye Yesihlanu kanye Neyesithupha kuMengameli uCyril Ramaphosa ngoLwesithathu.