Isikhathi esibekelwe ukuguqukela embusweni wezakhamuzi eGuinea
Umbutho wamasosha eGuinea uthe ukuguqukela kwawo ekubuseni kwezakhamuzi cishe kuzothatha iminyaka engaphezu kwemithathu, okuyisiphakamiso esingase siphazamise inhlangano yezepolitiki yaseNtshonalanga Afrika esicele ukuthi kubuyiswe ngokushesha kuMthethosisekelo. UColonel Mamady Doumbouya, inhloko yeqembu elibusayo elathatha izintambo zombuso ngesikhathi kuketulwa umbuso ngoMandulo odlule, utshele ithelevishini yombuso ngoMgqibelo ukuthi ngemuva kwezingxoxo zezombusazwe ucabanga uguquko lwezinyanga ezingama-39, okokuqala enza isiphakamiso sohlelo lwesikhathi.
Abaholi bezempi bahlwithe amandla eMali, eBurkina Faso naseGuinea eminyakeni emibili edlule, bephakamisa ukukhathazeka ngokuhlehla kwentando yeningi eNtshonalanga Afrika okwathi kule minyaka eyishumi edlule kwaqala ukulahla isithunzi sayo “njengebhande lokuketula umbuso”. Lokhu kuketulwa kombuso yikona okwenza amazwe angaboni ngaso linye nenhlangano yezomnotho yaseNtshonalanga Afrika, i-ECOWAS( Economic Community of West African States ), ezama ukubuyisela amandla ezandleni zabantu.
I-ECOWAS isivele ifake unswinyo eMali ngemuva kokuthi abaholi bezempi behlongoze ukubamba izintambo kuze kube ngowezi-2025, bethuthukisa umnotho wayo ngokuwuvala ezimakethe zezokuhwebelana nezezimali. I-ECOWAS inikeze iMali izinyanga ezili-12 kuya kwezili-16 ukuthi ihlele ukhetho lwentando yeningi.
Ngenkathi abaholi baseBurkina Faso behlongoza uguquko lweminyaka emi-3 ekubuseni kwabantu, i-ECOWAS yacela “umugqa wesikhathi owamukeleka kakhudlwana” kodwa yayeka ukubekela izwe elimpofu unswinyo. I-ECOWAS ifake unswinyo kubaholi baseGuinea kodwa hhayi emnothweni obanzi. Umkhulumeli wenqabile ukuphawula ngeSonto. UDoumbouya uthe uzokwethula lesi siphakamiso kuNational Transitional Council, uhlaka lwamalungu angama-80 olusungulwe yiJunta ukuthi lusebenze njengePhalamende ngesikhathi soguquko oluya okhethweni.
INational Front for the Defence of the Constitution (FNDC), umfelandawonye wamaqembu ezepolitiki nezinhlangano zomphakathi, ilugxekile lolu hlelo. “INational Coordination yeFNDC ikhumbuza (i-Doumbouya) ukuthi akwamukeleki, akucabangeki futhi akwamukelekile ukuthi iNational Transitional Council igunyaze lesi siphakamiso sejunta, esingenasisekelo somthetho,” isho esitatimendeni.
UDoumbouya uthe izinyanga ezingama-39 kwakuyizikhathi ezijwayelekile ezivela ekubonisaneni namaqembu ezombusazwe kanye nezinhlangano zomphakathi, okuyinto abaphikisi bakhe abakhulu abayiduba. Bekungakacaci ukuthi isikhathi sezinyanga ezingama-39 sizoqala nini.