Ugogo nonogwaja

Kwasuka sukela.
Kwakukhona ugogo nonogwaja.

Ngelinye ilanga unogwaja wavakashela ugogo. Wathi kugogo abadlale umaphekaphekane. Nangempela kwaqala unogwaja wangena ebhodweni elinamanzi elabe libaselwe. Wathi; “Tshiyo tshiyo sengivuthiwe!” Wamkhipha. Wangena ugogo ebhodweni wavala unogwaja, wathi ugogo; “Tshiyo tshiyo sengivuthiwe!” Wamkhipha.

Wangena unogwaja kwayiso leso. Wangena ugogo wathi; “Tshiyo tshiyo sengivuthiwe!” Lutho unogwaja ukumkhipha. Waphinda wakhala ugogo; “Tshiyo tshiyo sengivuthiwe”. Wathi unogwaja’ “Ungavuthwa kanjani izinkobe zikababa zingakavuthwa? Thula!”

Zabuya izingane ekwaluseni, unogwaja waziphakela inyama kagogo. Yathi enye; “Lolu zipho lwafana nolukagogo nje!” Wathi unogwaja; “Thula wena!” Wase ema ngasemnyango wathi; “Naze namudla ugogo wenu!” Wabaleka, zamjaha izingane zafika ngasemfuleni zangamthola zabona imbokodo zayicosha zathi uma nje ngingambona ngizomshaya ngale mbokodo isho iyiphonsa ngaphesheya komfula. Habe! yaphenduka imbokodo yaba unogwaja. Wathi; “Pe! pe! waze wangiwelisa phela!”

See Also

Intombazane uBhulibhuli owayethanda izinganekwane

Cosu cosu yaphela.
Isifundo: Bhasobha ubuqili