Ikhasi Elisha: Iyodwa inkunzi esibayeni

Kuleli sonto kuvuleke ikhasi elisha emlandweni wase-United State of America (USA) kugcotshwa owanqoba ukhetho lobuMengameli ngonyaka odlule uMnu uJoseph Robinette Biden Jr njengoMengameli waleli zwe wama-46. UBiden kuzokhumbuleka ukuthi wasebenza njengeSekela Mengameli waleli zwe wama-47 ngesikhathi lisaholwa nguMnu uBarack Obama kusukela ngowezi-2009-2017. Indlela eya ekugcotshweni kwakhe njengoMengameli ayibanga lula kepha manje amathemba eMelika aselele kuye.