Now Reading
Isisebenzi sikaMasipala ecaleni lokuzama ukubulala uzakwabo
Dark Light

Isisebenzi sikaMasipala ecaleni lokuzama ukubulala uzakwabo

Lihlehliselwe uMsombuluko icala lesisebenzi soMkhandlu uMhlontlo kuQumbu esifundazweni i-Eastern Cape esiboshwe ngempelasonto siphezu kwetulo lokubulala iMeneja yalo Masipala uMnu uThando Mase. 

UMnu Zwelilungile Siqhola uboshwe amaphoyisa ophiko oluyisipesheli emuva kokuthola ukuthi ubehlela ukuqasha inkabi ukuthi ibulale uMase owufakazi kwelinye lamacala enkohlakalo ethenda yezi-R 169 000 okulindeleke ukuthi lingene eNkantolo kaMantshi yakuQumbu kusasa ngoLwesithathu.

Kuthiwa amaphoyisa angenelele ezenza izinkabi ebezingamsiza umsolwa ukwenza lo msebenzi. Uboshwe nesibhamu esingekho emthethweni ebesinezinhlamvu ezingama-30. 

See Also

Okhulumela uphiko lwabashushisi e-Eastern Cape, uMnu uLuxolo Tyali, uthe esinye sezizathu sokuhlehliswa kwecala ukuthi kutholwe imininingwane ephelele kamsolwa nekheli ahlala kulona ukuze inkantolo izokwazi ukulalela isicelo sakhe sebheyili ngoMsombuluko. 

Scroll To Top