Usunindekile noMnyango kwelamabhasi nemizila
Zingena zilakanyana izikhalo ngenkohlakalo ethinta ubunini bamabhasi kanye nemizila kwaZulu-Natal
LOKHU kulandela uchungechunge loshicilelo lweBAYEDE oluveza umlando wokuwakwa kwaBohlanga yizisebenzi zikaHulumeni, osopolitiki kanye nezinkampani zabomdabu waseNdiya. Kuleli sonto umunwe usukhombe eMnyangweni WezokuThutha ngaphansi kukaMhlonishwa uWillies Mchunu. Yize okaMacingane okwamanje engathinteki siqu kepha umunwe ukhomba izisebenzi zoMnyango wakhe kanye naloyo owabe eyilungu leSishayamthetho sakwaZulu-Natal emele Inkatha Freedom Party (IFP), uMnu uThulasizwe Buthelezi. Udaba lulethwe kuBAYEDE nguMnu uMduduzi Sithole ongumphathi wo-UThungulu Bus Line eMpangeni. UJobe (abakwaSithole) ukhomba umgunyathi othinta abathile boMnyango, usopolitiki kanye noMnu uMohamed Paruk, nathi kwabe kuhlose ukumcekela phansi. Ngokusho kukaSithole uthi kuyimanje amabhasi akhe angamashumi amane (40) awathenge ngowezi-2014 asephenduke isidleke sokuzalela izinkukhu ngenxa yokuthi izikhulu zoMnyango WezokuThutha zihudula izinyawo ukukhipha inkampani kaMnu uParuk emzileni.
Ukuze ufunde lonke udaba, thenga iphephandaba loHlanga namuhla.