Luqinisekisiwe olwamasosha akuleli eDRC

UMtaka ungumbhali wezindaba zamazwe neMeneja kwi-Igunundu Agency.

IHhovisi likaMengameli likuqinisekisile ukuthi uMengameli uCyril Ramaphosa uyalele ukuthi kujutshwe amalungu eSouth African National Defence Force (SANDF) ayizi-2 900 empumalanga yeDemocratic Republic of Congo.

Leli hhovisi lithe inhloso ukufeza isibopho seNingizimu Afrika yesifunda iSouthern African Development Community (SADC).

Okhulumela uMengameli uVincent Magwenya uthe amasosha azohlanganyela ekulweni namaqembu ahlomile ngokungemthetho empumalanga yeDRC. “Ekugcwaliseni isibopho seNingizimu Afrika samazwe ngamazwe mayelana nomkhankaso weSADC wokweseka iDRC, uMengameli Ramaphosa uyalele ukuthi kuthunyelwe uMbutho Wezokuvikela WaseNingizimu Afrika, ukuze usize ekulweni namaqembu ahlomile angekho emthethweni empumalanga yeDRC. Isibopho sokunikela ngamasosha kokubonwa yiSADC eDRC sithwalwa yiwo wonke amazwe angamalungu eSADC,” kwengeza uMagwenya.