URajoelina usafuna ibuya

UMengameli waseMadagascar u-Andry Rajoelina wesulile esikhundleni sakhe ngemuva kokuqinisekiswa ngokusemthethweni njengomuntu ozongenela ukhetho lobumengameli wezwe,oluhlelelwe uLwezi ziyi-9, ngokusho kwenkantolo yomthethosisekelo wezwe. Umthethosisekelo waseMadagascar udinga inhloko yezwe ehlezi efuna ukungenela ukhetho lobumengameli ukuthi iqale isule esikhundleni. URajoelina uthumele incwadi yokwesula enkantolo ngoMgqibelo kulandela ukuqinisekiswa kokuthi uzongenela ukhetho, kusho iNkantolo eNkulu yoMthethosisekelo esitatimendeni ngoMgqibelo.