Wenqabe usizo kwamenela ejele

UKhader Adnan, oyilungu leqembu lamaphekula asePalestine, i-Islamic Jihad, osolwa ngabakwa-Israel ngamacala obushokobezi, ushonele ejele lakwa-Israel ngoLwesibili ngemuva kwesiteleka sezinsuku ezingama-87 sokungadli, kusho iziphathimandla zejele.

I-Israel ithe u-Adnan “wenqabile ukuhlolwa nokwelashwa” futhi “utholakale equlekile esitokisini sakhe” ekuseni ngoLwesibili. Iziphathimandla zasejele lase-Israel zithe u-Adnan uphuthunyiswe esibhedlela ngemuva kokuhluleka kwemizamo yokumvusawahlonzwa njengoshonile. Ummeli ka-Adnan usole i-Israel ngobudedengu bezokwelashwa.