Elakuleli liyibhaxabule nxazonke i-India eWanderers

Isithombe: Twitter/Officialcsa

AmaProteas avuke umbhejazane emdlalweni wesibili weTest yesibili abebhekene kuyona neqembu lesizwe laseNdiya e-Imperial Wanderers, eGoli.

Elakuleli linqobe ngamawikhethi ayisikhombisa kumdlalo osongwe ngosukuLwesine. Njengamanje la mazwe asebambene kulolu chungechunge lwemidlalo emithathu yama-Test.

ElaseNdiya liphumelele eyokuqala ngama-run ali-113 eSuperSport Park, eCenturion, ePitoli.

Umdlalo wokugcina kweyama-Test useNewlands Park, eKapa kanti ufana nowafa wafa. Izwe elizonqoba yilona elizokhala lemuka nochungechunge.

AmaProteas awakaze ashaywe ngelaseNdiya eNingizimu Afrika kanti elaseNdiya alikaze liwuqumbe phansi umzansi kuleli. Ngabe amaProteas azovikela umlando wawo omuhle noma elaseNdiya lizowubhala kabusha umlando? Kuzoyozwakala. Ngaphambi kokuthi sibheke umdlalo wesithathu intatheli yelaboHlanga, uZipho Singela isibhekela ukuthi abadlali abebeyingxenye yomdlalo badlale kanjani.

Dean Elgar 9/10:

28 & 96*:

– Udlale ingcwenga yekhilikithi ikakhulukazi nge-Innings yesibili. Ukhombise okukhulu ukuzinikela nesibindi. Indlela ahole ngayo iqembu kumele ishayelwe izandla. Abashwibi bakhe ubebashintsha ngobuchule.

Aiden Markram 4/10:

7 & 31:

Selokhu kuqale lolu chunge chunge lwemidlalo yama-Test izinto ziyamphika ngebhethi. Umiswe kabi nguMohammed Shami osemkhiphe amahlandla amathathu kwamane. Kuwona womabili ama-Innings uphume nge-Leg Before Wicket (LBW). Kumele abhekisise indlela abhetha ngayo.

Keagan Petersen 6/10:

62 & 28:

Usethubeni elihle lokushaya ikhulu lama-run ku-Innings yokuqala kanti kweyesibili ubengawathola ama-run angamashumi amahlanu. Unekhono eliyisimanga kodwa usabulawa wukuhala. Uma engehlisa ukuhala afunde ukuba nesineke uzoyakude kakhulu. Okuhle ngaye uma esenkundleni umdlalo uyashesha.

Rassie Van Der Dussen 5/10:

1 & 40:

Ukuzethemba kwakhe kuphansi kulezi zinsuku. Ku-Innings yokuqala ubenebhadi ngoba uphume ngebhola elithinte phansi. Abaphathi bomdlali benze iphutha. Uzamile esebuya okwesibili ngoba bakhe isisekelo esiqinile ngokuhlanganyela no-Elgar.

Temba Bavuma 7/10:

52 & 23*:

Usefiso esibi sokukhohlwa uma eke washaya ama-run angamashumi amahlanu. Leli dimoni kudinga alithandazele ngoba ungumdlali oseqophelweni eliphezulu futhi ongashaya inqwaba yamakhulu.

Kyle Verryenne 6/10:

21 & akabhethanga:

Uyaqhubeka nokudlondlobala uLetsholonyane ekuqeqesheni

Ukhombise izimpawu zokuba yingozi ku-Innings yokuqala ngebhethi. Ubukeka enesineke kanti uma isimo siphoqa ukuthi awusheshise umdlalo angakwenza lokho. Uwanqake kahle amabhola esikhundleni sikaQuinton De Kock. Usazokhula. Uke wasibhayiza efuna kubuyekezwe isinqumo sabaphathi bomdlalo.

Marco Jansen 8/10:

21 & akabethenga:

Kubukeka sengathi nguyena uzokwazi ukuvala isikhala sikaVernon Philander obekwazi ukuthatha amawikhethi aphinde ashaye ama-run. Udlale kahle kakhulu ku-Innings yokuqala eshaya ama-run angu-21. Akagcinanga lapho ngoba uthathe amawikhethi amane ku-Innings yokuqala kwathi kweyesibili wawola amathathu.

Kagiso Rabada 7/10:

0 & akabethanga:

Angenza kangcono kakhulu ngebhethi. Indlela aphume ngayo ngedada iyadumaza. Kuwona womabili ama-Innings uthathe amawikhethi amathathu. Kweyesibili nguyena oshintshe umdlalo.

Keshav Maharaj 6/10:

21 & akabhethanga:

Akazange ashwibe ama-over amaningi ngenxa yokuthi inkundla ibivuma abashwibi abajikijela amabhola asheshayo. Ngesikhathi abedingeka