IPHUTHA NOMA INHLOSO? ICanada ifuna izimpendulo ngokufa kwezisebenzi zosizo eGaza
UNgqongqoshe Wezangaphandle eCanada uMelanie Joly ucele ngoLwesithathu ukuthi kwenziwe uphenyo olugcwele mayelana nokubulawa kwezisebenzi zosizo eGaza, okukhona kuzo isakhamuzi saseCanada, ngesikhathi u-Israeli uhlasela ngezomoya.
Ekhuluma eceleni komhlangano wongqongqoshe beNATO uNgqongqoshe Wezangaphandle eBrussels, uthe u-Israeli udinga ukuhlonipha umthetho wamazwe ngamazwe. Kushone izisebenzi eziyisikhombisa zosizo kulesi sigameko sangoMsombuluko, okubalwa kuzo indoda eneminyaka engama-33 ubudala eyisakhamuzi sase-US-Canada uJacob Flickinger.
EToronto, uNdunankulu uJustin Trudeau uthe izikhulu zikhulume nenxusa lakwa-Israel u-Iddo Moed ukuzwakalisa “ukuphoxeka kwethu ngokufa okungamukelekile kwesisebenzi sosizo saseCanada-American kanye nabanye … umhlaba udinga izimpendulo ezicacile zokuthi lokhu kwenzeke kanjani”.
U-Israel uthe ukuhlasela ngomoya okubulale izisebenzi eziyisikhombisa zezosizo kube yiphutha.
